វះកាត់កែសម្ផស្សជាង១០០ដង ព្រោះតែចង់បានរូបរាងដូចតុក្កតា

2016-11-30 23:07:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ម៉ូដែលមកពីប្រទេសស៊ុយអែត Pixee Foxxធ្លាប់បានឆ្លងកាត់មុខកាំបិតដល់ទៅជាង១០០ដង ដើម្បីបានមុខមាត់និងរូបរាងដូចតួតុក្កតាតាមបំណងប្រាថ្នា ក្នុងនោះនាងក៏បានកែចង្កេះឲ្យតូចដូចរាងអង្រ្កងផងដែរ។

ក្រៅពីកែចង្កេះ តារាវ័យ២៦ឆ្នាំរូបនេះក៏បានវះកាត់ប្ដូរពណ៌ភ្នែក, ពង្រីកសុដន់ជាច្រើនដង, ត្រគាកនិងបបូរមាត់។ មុនពេលក្លាយជាតារាម៉ូដែល នាងធ្លាប់ធ្វើជាជាងអគ្គិសនី។ បន្ទាប់ពីធ្វើការវះកាត់ជាច្រើនដង Pixee បាននិយាយថា នាងបានផ្លាស់ប្ដូររូបរាងទាំងស្រុងក្លាយជាមនុស្សម្នាក់ផ្សេងទៀត ប៉ុន្តែនៅតែពេញចិត្តចំពោះខ្លួនឯង។

Pixee Foxx និយាយប្រាប់សារព័ត៌មានថា នាងចង់បន្តការវះកាត់កែសម្ផស្សបន្តទៀតនៅថ្ងៃអនាគត។ "នៅឆ្នាំ២០១៧ ខ្ញុំបន្ថែមការវះកាត់១០ដងទៀត។ ខ្ញុំចង់ស្លៀកឈុតក្នុងរឹបរាងរបស់នារីបំបែកកំណត់ត្រាសៀវភៅ Guinness អ្នកដែលមានចង្កេះតូចជាងគេ"។ Foxx និយាយ។

រូបរាង Pixee Foxx ពីមុននឹងបច្ចុប្បន្ន

ម៉ូដែលដែលរស់នៅតំបន់អឺរ៉ុបនេះបានបន្ថែមទៀតថា នាងស្រឡាញ់តុក្កតា Barbie និងតួតុក្កតា Jessica Rabbit និង Princess Aurora។ នាងបានចំណាយជិត១០ម៉ឺនដុល្លារហើយ ដើម្បីបានរូបរាងដូចតួតុក្កតាខាងលើ ហើយលុយទាំងនោះនាងបានមកពីការសន្សំប្រកបអាជីពជាម៉ូដែលនិងភាគច្រើនពីអ្នកគាំទ្រប្រុសៗតាមបណ្ដាញសង្គម៕