Park Bom សរសេរសំបុត្រដ៏ក្ដុកក្ដួលសុំទោសអ្នកគាំទ្រទូទាំងពិភពលោក

2016-12-01 03:57:10
ចំនួនមតិ 0 | ចំនួនចែករំលែក 0

ចន្លោះមិនឃើញ

រយៈពេលមួយថ្ងៃបន្ទាប់ពី CL និង Sandara ចេញសំបុត្រលាអ្នកគាំទ្រក្រោយក្រុម 2NE1 ត្រូវរំសាយ ចុងក្រោយ Park Bom ក៏បានបង្ហាញអារម្មណ៍របស់ខ្លួនប្រាប់អ្នកគាំទ្រតាមសំបុត្រដូចគ្នា។

ម្ចាស់បទ "YOU&I” បានសរសេរសំបុត្រមួយច្បាប់បង្ហោះលើគណនី Instargram និង Twitterរបស់ខ្លួនដែលមានអត្ថន័យទាំងស្រុងដូចខាងក្រោម៖

“ជូនចំពោះអ្នកគាំទ្រទូទាំងពិភពលោក... សួស្ដីអ្នកគាំទ្រទាំងអស់ដែលតែងតែស្រលាញ់និងខ្វល់ខ្វាយពីខ្ញុំ។ នេះគឺ Bom។ My Blackjack! អ្នកតែងតែរង់ចាំពួកយើង... វាគួរឲ្យសោកស្ដាយណាស់ ហើយខ្ញុំគ្មានពាក្យអ្វីអាចនិយាយបានក្រៅពីសុំទោស... វាឈឺចាប់ណាស់... តែខ្ញុំចង់សរសេរសំបុត្រមួយច្បាប់។ អ្វីដែលខ្ញុំចង់និយាយនៅពេលនេះគឺថា ខ្ញុំបានព្យាយាមអស់ពីសមត្ថភាព... ខ្ញុំរង់ចាំ និងរៀបចំត្រៀមអ្វីៗជាច្រើនដើម្បីបង្ហាញដល់អ្នកគាំទ្រ ប៉ុន្តែអ្វីៗក្នុងលោកហាក់មិនកើតឡើងដូចអ្វីដែលខ្ញុំរំពឹងទុកឡើយ...។

អ្វីដែលយើងប្រឹងប្រែងពីរបីឆ្នាំមកនេះមិនមែនជារឿងលេងសើចទេ ដូច្នេះតើឲ្យបំភ្លេចគ្រប់យ៉ាងក្នុងមួយប៉ប្រិចភ្នែកម្ដេចបាន...T.T?? តើគួរធ្វើម៉េចទៅ? T.T ទោះខ្ញុំខកចិត្ត ប៉ុន្តែអនុស្សាវរីយ៍របស់ពួកយើងទាំងអស់ ខ្ញុំនឹងមិនអាចភ្លេចបានឡើយ ពេលវេលាល្អៗ ពេលវេលាសប្បាយៗដែលយើងមាន... T.T រាល់ញើស ឈាម និងទឹកភ្នែក ខ្ញុំនឹងរក្សាទុកក្នុងបេះដូង...

ពេលគិតពីរឿងបែកគ្នាពី Dara, CL និង Minzy ខ្ញុំរកពាក្យអ្វីនិយាយមិនចេញ ដកដង្ហើមមិនរួច

កំឡុងពេលនោះ យើងទាំង៤នាក់ 'អាចធ្វើអ្វីៗគ្រប់យ៉ាងដោយសារតែមានអ្នកទាំងអស់គ្នា' ខ្ញុំនឹងមិនបំភ្លេចឡើយ អរគុណ... T.T”