ក្រុម​ហ៊ុន Rolls-Royce Motor Cars បាន​ចេញ​សេចក្តី​ប្រកាស​​ព័ត៌មាន​បំភ្លឺ​ការ​ភ័ន្ត​ច្រឡំ​ ដែល​​ចុះផ្សាយនៅ​តាម​បណ្ដាញ​សារព័ត៌មាន​នានា ជុំវិញ​ឈ្មោះ​​ក្រុមហ៊ុន Rolls-Royce plc ដែ​ល​​កំពុង​នាំ​ឲ្យ​កើត​ការ​សង្ស័យ​ពី​មជ្ឈដ្ឋាន​នានា។

ក្រុមហ៊ុន Rolls-Royce Motor Cars ​បាន​បញ្ជាក់​​ថា Rolls-Royce Motor Cars និង Rolls-Royce plc ជា​ក្រុមហ៊ុន​ពីរ​ផ្សេងៗ​គ្នា។ ក្រុមហ៊ុន Rolls-Royce plc ជា​ក្រុម​ហ៊ុន​ផលិត​ម៉ាស៊ីន​សម្រាប់​យន្តហោះ  កប៉ាល់ និង​​បរិក្ខា​បណ្ដាញ​ក្រោម​ដី។ ចំណែក​ក្រុមហ៊ុន Rolls-Royce Motor Cars ជា​ក្រុមហ៊ុន​បុត្រ​សម្ព័ន្ធ​គ្រប់គ្រង​ទាំង​ស្រុង​ដោយ​ក្រុមហ៊ុន BMW Group ដែល​​ជា​ក្រុមហ៊ុន​ផលិត​រថយន្ត​ម៉ាក Rolls-Royce។

ក្រៅ​ពី​ការ​ប្រកាស​ជម្រះ​មន្ទិល​សង្ស័យ​​ពី​​​ការ​ប្រើ​ឈ្មោះ​ស្រដៀង​គ្នា​នេះ ក្រុមហ៊ុន Rolls-Royce Motor Cars ក៏​បាន​អះអាង​ពី​កំណើន​ការ​លក់​រថយន្ត Roll-Royce លើ​ទីផ្សារ​ពិភពលោក។

ក្រុមហ៊ុន​បញ្ជាក់​ថា គិត​ចាប់​ពី​ដើម​ឆ្នាំ ២០១៤ រហូត​មក​ទល់នឹង​​ពេល​នេះ កា​រលក់​រថយន្ត​ Rolls-Royce ទូទាំងពិភព​លោក​បាន​កើនឡើង ២៤.៣ភាគរយ​ បើ​ធៀប​រយៈកាល​ដូចគ្នា​កាលពី​ឆ្នាំ ២០១៣ ។ ក្រុមហ៊ុន​រំពឹង​ការ​លក់​រថយន្ត Rolls-Royce នឹង​បាន​ជាង ៤០០០ គ្រឿង​នៅក្នុង​ឆ្នាំ​២០១៤ នេះ ដែល​ជាចំនួន​ខ្ពស់​បំផុត​ នៅក្នុង​ប្រវត្តិសាស្ត្រ​​របស់​ក្រុមហ៊ុន ។

Rolls-Royce ជា​ម៉ាក​រថយន្ត​ប្រណិត​លំដាប់​ផុត​លេខ​​របស់​ពិភពលោក។ រថយន្ត​នេះ​ត្រូវ​គេ​ស្គាល់​ថា​ជា​ម៉ាក​រថយន្ត​ដ៏​មាន​តម្លៃ​​ថ្លៃ​បំផុត ដែល​ទីផ្សារ​ចម្បង​សម្រាប់​តែ​ត្រកូលអភិជន។ បច្ចុប្បន្ន​នេះ ម៉ាក​រថយន្ត​ដ៏​មាន​អំណាច Rolls-Royce ​​មាន​វត្តមាន​នៅ​ទីផ្សារ​ប្រទេស​ជា​ច្រើន​នៅ​លើ​ពិភពលោក​។ ដោយ​ឡែក​ថ្មីៗ​​​នេះ ម៉ាក​រថយន្ត​ដ៏​ប្រណិត​នេះ ក៏​មាន​លក់​លើ​ទីផ្សារ​ប្រទេស​កម្ពុជា​នោះ​ដែរ។

សូម​បន្ត​អាន៖ ហ្គេម​ខ្មែរ ​សុក និង សៅ​មាន​លើ​ Windows Phone Store ហើយ​

សូម​បន្ត​អាន៖  រឿង​១០​​យ៉ាង​ អ្នក​ប្រើ​ iPhone​ បើ​មិន​ទាន់​ដឹង​ ត្រូវ​ដឹង​ភ្លាម!

សូម​បន្ត​អាន៖ ការ​ពិត​​ទូរសព្ទ​វៃ​ឆ្លាតកើត​ឡើង​អីចឹង​ទេ។

អត្ថបទ៖ ប៊ុណ្ណារ៉ា