ភ្ញាក់ផ្អើល! អតីតមិត្តប្រុសតារាថៃ Janie ចុងក្រោយសម្រេចរៀបការនឹងសង្សារប្រុសដូចគ្នា

2017-01-05 03:15:49
ចំនួនមតិ 0 | ចំនួនចែករំលែក 0

ចន្លោះមិនឃើញ

កំលោះសង្ហាអាមេរិក Jason Berrent ដែលធ្លាប់ជាមិត្តប្រុសស្និទ្ធស្នាលរបស់តារាសម្ដែងថៃ Janie Tienphosuwan រហូតមានព័ត៌មានចចាមអារ៉ាមថាជាគូស្នេហ៍នឹងគ្នាកាលពីពីរឆ្នាំមុន នៅពេលនេះបានសម្រេចចិត្តរៀបការជាមួយគូស្នេហ៍ពិតប្រាកដរបស់ខ្លួនហើយ តែអ្វីដែលធ្វើទស្សនិកជនភ្ញាក់ផ្អើលនោះគឺគូស្នេហ៍របស់គេគឺជាបុរសដូចគ្នា។

Jason Berrent លុតជង្គង់សុំមិត្តប្រុសរៀបការ

បន្ទាប់ពីលែងលះស្វាមីដាច់ស្រេច តារាឯកស្រីសិចស៊ីវ័យ ៣៥ឆ្នាំបានរងព័ត៌មានចចាមអារ៉ាមមួយខ្យល់ធំកាលពីដើមឆ្នាំ២០១៥ ជាមួយ Jason Berrent ដោយអ្នកទាំងពីរបានបង្ហោះរូបភាពផ្អែមល្ហែមរួមគ្នាជាច្រើនដង ធ្វើឲ្យអ្នកគាំទ្រមានការសង្ស័យមិនចេះចប់ ហើយមានអ្នកខ្លះថែមទាំងលួចច្រណែន Janie ទៀតផងដែលមានមិត្តប្រុសសង្ហាបែបនេះ។ ព័ត៌មានស្នេហារបស់អ្នកទាំងពីរបានស្ងប់ស្ងាត់ទៅវិញនៅពេល Jason ត្រលប់ទៅទីក្រុង Los Angeles វិញ។

យ៉ាងណាមិញថ្ងៃនេះ សារព័ត៌មានថៃជាច្រើនបានចុះផ្សាយ Jason បានសម្រេចចិត្តរៀបការជាមួយសង្សាររបស់ខ្លួនឈ្មោះ Adam ដែលបានសេពគប់មើលចិត្តគ្នារាប់ឆ្នាំមកហើយ។ មិនតែប៉ុណ្ណោះមិត្តប្រុសម្នាក់នោះ គឺជាម៉ូដែលដែលធ្លាប់ថតរូបសិចស៊ីជាមួយ Janie ទៀតផង ៕