Galaxy A ០១៧ ធន់ទឹកនិងចម្លងបច្ចេកវិទ្យា Note 7 ត្រៀមវាយលុកទីផ្សារក្នុងស្រុកចុងខែនេះ

2017-01-06 02:50:20
ចំនួនមតិ 0 | ចំនួនចែករំលែក 0

ចន្លោះមិនឃើញ

Galaxy A3, A5 និង A7 បានបង្ហាញខ្លួនលើកដំបូងនៅប្រទេសកម្ពុជា តែមានអ្នកសារព័ត៌មានប៉ុណ្ណោះដែលបានចាប់កាន់និងតេស្តម៉ាស៊ីនត្រកូល A ស៊េរីថ្មីទាំងបីនេះ។

A ទាំងបី បំពាក់សុទ្ធតែបច្ចេកវិទ្យា ការពារជ្រាបទឹកកម្រិត IP68 ដែលអាចធន់នឹងទឹកជម្រៅ ១ ម៉ែត្រកន្លះរយៈពេល ៣០ នាទី។ Secure Folder, USB Type C និង Always-On Display ដែលធ្លាប់ប្រើលើ Note 7 ត្រូវ Samsung យកមកបំពាក់លើត្រកូល A ឆ្នាំនេះ។

កាមេរ៉ាមុខនិងក្រោយ A5 និង A7 ទំហំដល់ទៅ 16MP កាន់តែខ្លាំងសម្រាប់ការថតរូប Selfie និងថតរូបនៅទីងងឹត ឯ A3 បំពាក់កាមេរ៉ាក្រោយ 13MP និងមុខ 8MP។

មុខងារសាកថ្មលឿន (Fast Charging) ធ្លាប់មានលើ Note 7 ពេលនេះបានយកមកបំពាក់លើ A5 និង A7 ០១៧ តែសម្រាប់ A3 មិនមានមុខងារនេះឡើយ។

បើតាមតំណាង Samsung នៅកម្ពុជា អះអាងថា A3,A5 និងA7 បំពាក់មុខងារ Carrier Matching ដែលងាយស្រួលសម្រាប់ការប្រើប្រាស់ស៊ីមពីរ។ នេះបានន័យថា ពេលអ្នកចង់ទូរសព្ទទៅប្រព័ន្ធទូរសព្ទណាមួយ នោះស្មាតហ្វូននឹងចាប់យកប្រព័ន្ធទូរសព្ទក្រុមហ៊ុននោះដោយស្វ័យប្រវត្តិ អ្នកមិនចាំបាច់ហត់ជ្រើសរើសស៊ីមណាមួយឡើយ។

លក្ខណៈសម្បត្តិទូទៅ៖

អេក្រង់៖ ៥,៧អ៊ីញ (A7) , ៥,២អ៊ីញ (A5) និង ៤,៧អ៊ីញ (A3)។ អេក្រង់ Full HD Super AMOLED សម្រាប់ A7 និង A5 ឯ A3 ប្រភេទ HD
មេម៉ូរី៖ 32GB និង RAM 3GB (A7និង A5), 16GB និង RAM 2GB (A3)
កាមេរ៉ាក្រោយនិងមុខ៖ 16MP (A7 និង A5), 13MP ក្រោយនិងមុខ 8MP សម្រាប់ A3
Samsung Cloud៖ 15GB (ឥតគិតថ្លៃ) និង Google Drive 100GB
មុខងារចាក់សោកម្មវិធី (Secure Folder) ដូចលើ Note 7
មុខងារសាកថ្មលឿន (Fast Charging) មានលើ A7 និង A5 តែមិនមានលើ A3
មុខងារស្កេនក្រយៅដៃ (Fingerprint Sensor)
ថាមពលថ្ម៖ 3600mAh (A7), 3000mAh (A5) និង 2350mAh (A3)
តម្លៃ៖ ៣៣០ ដុល្លារ (A3), ៣៩៥ ដុល្លារ (A5) និង ៤៥០ ដុល្លារ (A7)
ពណ៌៖ ខ្មៅ, មាស និង ពណ៌កំបោរ។

ខាង Samsung បញ្ជាក់ថា ស្មាតហ្វូនស៊េរី A 2017 នេះ ដាក់ឲ្យកុម្ម៉ង់ទិញតាមបណ្ដាហាងទូរសព្ទពីថ្ងៃ ០៦ នេះតទៅ ឯកាលបរិច្ឆេទដាក់លក់លើទីផ្សារកម្ពុជាផ្លូវការនៅថ្ងៃ ២១ មករាខាងមុខ៕