តួប្រុស "វិកលចរិត" ត្រៀមចូលហាត់ទាហាន
- 2017-01-10 04:07:47
- ចំនួនមតិ 0 | ចំនួនចែករំលែក 0
តួប្រុស "វិកលចរិត" ត្រៀមចូលហាត់ទាហាន
ចន្លោះមិនឃើញ
ថ្មីៗនេះផលិតករ ហើយក៏ជាតួប្រុសក្នុងរឿង "វិកលចរិត" លោក ហ៊ុយ យ៉ាឡេង បានលើកឡើងថាលោកត្រៀមខ្លួនចូលហាត់ទាហានរយៈពេល២ខែ ដើម្បីហាត់ពត់លុតដំខ្លួនក្នុងការថតរឿងថ្មី។
លោកថ្លែងថា ពេលនេះលោកត្រូវចេញទៅប្រទេសថៃមួយសប្ដាហ៍សិន ដើម្បីរកទីផ្សារបញ្ចាំងរឿង "វិកលចរិត" នៅទីនោះ ពេលលោកត្រឡប់មកវិញ នឹងចូលហាត់ទាហានប្រមាណរយៈពេល២ខែ នៅខេត្តកំពង់ស្ពឺ ដើម្បីត្រៀមថតរឿងថ្មីមួយទៀតចំណងជើងថា "៤៨០០ វិនាទី ស្លាប់" ដែលគ្រោងថតនៅចុងខែមីនា ឬ ដើមខែមេសា ខាងមុខនេះហើយ។
រឿង "៤៨០០ វិនាទី ស្លាប់" នេះគឺជាសាច់រឿងថ្មីមួយទៀតរបស់ផលិតករ "វិកលចរិត" ដែលផ្អែកលើរឿងពិតរបស់ ឪពុកមា (ពូ) របស់លោកដែលបានកើតឡើងនៅជំនាន់ខ្មែរក្រហម។ "វាជាសាច់រឿងពិតរបស់ឪពុកមាខ្ញុំពេលក្រុមខ្មែរតាមបាញ់គាត់ស្របពេលគាត់នាំកូនទាហាន៥នាក់រត់ទៅជំរំដើម្បីរកម្ដាយខ្ញុំ ហើយរឿងនេះគ្រោងនឹងចំណាយប្រមាណជា ៦ម៉ឺនដុល្លារអាមេរិកក្នុងការផលិត" លោកបន្ថែម។
សម្រាប់ សាច់រឿង ក៏ដូចជាបច្ចេកទេសប្លង់ថត ក្រុមការងារSabay នឹងអញ្ជើញលោក ហ៊ុយ យ៉ាឡេង មកផ្តល់ការសម្ភាសន៍ Live ផ្ទាល់នាពេលឆាប់ៗខាងមុខនេះ។ កុំភ្លេចតាមដានទាំងអស់គ្នាណា៕