Bosco Wong តារាសម្តែងហុងកុងដ៏ល្បី កំពុងត្រៀមបង្ហាញខ្លួនលើកដំបូងនៅភីអិនអិន
- 2017-01-12 04:47:39
- ចំនួនមតិ 0 | ចំនួនចែករំលែក 0
Bosco Wong តារាសម្តែងហុងកុងដ៏ល្បី កំពុងត្រៀមបង្ហាញខ្លួនលើកដំបូងនៅភីអិនអិន
ចន្លោះមិនឃើញ
តារាសម្តែងដ៏ល្បីប្រចាំទូរទស្សន៍ហុងកុង TVB និងជាតារាក្នុងដួងចិត្តរបស់ប្រិយមិត្តកម្ពុជាជាច្រើនដែរនោះ លោក Bosco Wong ត្រៀមនឹងបង្ហាញខ្លួនលើទូរទស្សន៍ភីអិនអិនជាលើកដំបូងក្នុងភាពយន្តភាគរឿងហុងកុង «មិត្តភាពប្រែឫស្យា»។
«មិត្តភាពប្រែឫស្យា» ជាភាពយន្តល្បីទទួលបានជោគជ័យនៅហុងកុង ជាពិសេសសម្រាប់អ្នកដែលធ្វើការផ្នែកទំនាក់ទំនង ព្រោះភាពយន្តនេះបង្ហាញពីឧបសគ្គ និងយុទ្ធសាស្ត្រផ្សេងៗក្នុងការដោះស្រាយបញ្ហាកើតមាន។
ក្រៅពី Bosco Wong (Sheldon) ក៏នៅមានតារាល្បីៗផ្សេងទៀត ដូចជា Edwin Siu (Sean) និង Louis Cheung (Tim) ជាដើម ដោយតម្រូវឲ្យពួកគេទាំង ៣ នាក់ ធ្វើជាមិត្តជិតស្និទ្ធ តស៊ូក្នុងមុខជំនួញជាមួយគ្នា។ Sheldon ជាមនុស្សដែលមានមហិច្ឆតា។ Sean ជាមនុស្សសុទិដ្ឋិនិយម។ Tim ជាមនុស្សពូកែខាងវោហា។ ពួកគេទាំង៣នាក់ប្រើជំនាញពិសេសរបស់ខ្លួនដើម្បីធ្វើការទំនាក់ទំនងក្នុងសង្គម។ ដើរលើវិស័យទំនាក់ទំនងសាធារណៈ ពួកគេបង្កើតភាពអស្ចារ្យមិនគួរឲ្យជឿជាច្រើន ប៉ុន្តែសំណាងមិនល្អកិច្ចការពួកគេក៏ធ្លាក់ចុះយ៉ាងគំហុក ដោយសារតែទំនាក់ទំនងពួកគេទាំង៣ប្រេះឆា។
មូលហេតុអ្វីទើបបណ្ដាលឲ្យពួកគេជួបវិបត្តិបែបនេះ? បើចង់ដឹងច្បាស់ សូមកុំភ្លេចរង់ចាំតាមដានទស្សនាខ្សែភាពយន្តដ៏ល្អឥតខ្ចោះមួយនេះ ដែលនឹងចាក់ផ្សាយនៅថ្ងៃទី១៧ មករា រៀងរាល់ថ្ងៃចន្ទ ដល់ ពុធ វេលាម៉ោង ១១:០០-១៣:០០ បន្ទាប់ពីរឿង «សង្សារខ្ញុំមនុស្សក្រៅភព»៕