យន្តហោះចម្បាំងថៃ១គ្រឿងធ្លាក់ បណ្ដាលឲ្យអ្នកបើកម្នាក់ស្លាប់
- 2017-01-14 07:54:38
- ចំនួនមតិ 0 | ចំនួនចែករំលែក 0
យន្តហោះចម្បាំងថៃ១គ្រឿងធ្លាក់ បណ្ដាលឲ្យអ្នកបើកម្នាក់ស្លាប់
ចន្លោះមិនឃើញ
យន្តហោះចម្បាំងមួយគ្រឿងរបស់ប្រទេសថៃបានធ្លាក់ អំឡុងថ្ងៃទិវាកុមារពេលកំពុងសមយុទ្ធ ក្នុងទីក្រុង Hat Yai ខេត្ត Songkhla ប្រទេសថៃ នៅថ្ងៃសៅរ៍នេះ បង្កឲ្យអ្នកបើកបរម្នាក់បាត់បង់ជីវិត។
លោក Dilokrit Pattavee បានស្លាប់ ពេលដែរយន្តហោះចម្បាំងដែលផលិតនៅប្រទេសស៊ុយអែតម៉ាក Jas 39C Gripen ធ្លាក់ពេលកំពុងហោះហើរ នៅរង្វង់ម៉ោង៩:២៧នាទីព្រឹក ខណៈកំពុងសម្ដែង។ មួយម៉ោងក្រោយមកសារព័ត៌មានបានរាយការណ៍ថា រថយន្តពន្លត់អគ្គីភ័យនៅក្នុងប្រលានយន្តហោះបានក្រឡាប់ ពេលដែលប្រញាប់ប្រញាល់ដើម្បីពន្លត់ភ្លើងដែលកំពុងឆេះយន្តហោះចម្បាំងខាងលើ។
គ្រោះថ្នាក់នេះបានពន្យារការហោះហើរទៅក្រៅស្រុក អាជ្ញាធររំពឹងថា អាចបើកដំណើរការឡើងវិញនៅថ្ងៃត្រង់នេះ។ អ្នកនាំពាក្យរបស់កងទ័ពអាកាស Pongsak Semachai បាននិយាយថា គណៈកម្មការមួយនឹងបង្កើតឡើងដើម្បីស្រាវជ្រាវស្វែងរកការពិត។
ថៃជាប្រទេសក្នុងតំបន់តែមួយគត់ដែលមានយន្តហោះរបស់ប្រទេសស៊ុយអែត ប្រភេទ Gripen មានចំនួន១២គ្រឿងតាំងពីឆ្នាំ២០០៨ ដោយចំណាយលុយទិញជិត៧០លានដុល្លារ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
