Nokia 6 ស្អែកចាប់ផ្តើមលក់នៅចិន ខណៈការកុម្ម៉ង់កើនដល់ ១ លានគ្រឿង
- 2017-01-18 02:14:40
- ចំនួនមតិ 0 | ចំនួនចែករំលែក 0
Nokia 6 ស្អែកចាប់ផ្តើមលក់នៅចិន ខណៈការកុម្ម៉ង់កើនដល់ ១ លានគ្រឿង
ចន្លោះមិនឃើញ
Nokia 6 នឹងចេញលក់ជាផ្លូវការនាថ្ងៃ ១៩ មករា ២០១៧ ស្អែកនេះ សម្រាប់ទីផ្សារចិនដីគោក ខណៈស្មាតហ្វូនម៉ូដែលនេះទទួលការកុម្ម៉ង់តាមវិបសាយចិន JD.com កើនដល់ ១ លានគ្រឿង។
អតិថិជនតម្រូវឲ្យកក់ប្រាក់តែ ៩ ដុល្លារប៉ុណ្ណោះ ដើម្បីទទួលបាន Nokia 6 ដែលមានតម្លៃ ២៤៥ ដុល្លារ ហើយនឹងទទួលបានស្មាតហ្វូននេះចាប់ពីថ្ងៃ ១៩ មករា ២០១៧។
Nokia 6 មានអេក្រង់ Gorilla Glass ទំហំ ៥,៥ អ៊ីញ មាន Resolution ១០៨០x១៩២០ (Full HD) ដំណើរការដោយបន្ទះឈីប Snapdragon 430 , Octa-Core CPU និង Adreno 505 GPU។ កាន់តែពិសេស Nokia 6 មាន RAM ៤ GB អង្គផ្ទុកទិន្នន័យ ៦៤GB កាមេរ៉ាក្រោយ ១៦មេហ្គាភិចសែល ជាមួយ Aperture f/2.0 និងកាមេរ៉ាមុខ ៨មេហ្គាភិចសែល។
ក្រៅពី Nokia 6 គេក៏សង្ឃឹមថា ក្រុមហ៊ុននេះនឹងបញ្ចេញស្មាតហ្វូនម៉ូដែលផ្សេងៗទៀតនាខែបន្ទាប់ ជាពិសេស Nokia 8 ក្នុងព្រឹត្តិការណ៍ MWC ក្នុងខែកុម្ភៈ៕