បែកធ្លាយតម្លៃហុងដា Click 017 មុនដាក់លក់រសៀលនេះ
- 2017-01-20 05:19:05
- ចំនួនមតិ 0 | ចំនួនចែករំលែក 0
បែកធ្លាយតម្លៃហុងដា Click 017 មុនដាក់លក់រសៀលនេះ
ចន្លោះមិនឃើញ
ម៉ូតូ Honda Click ស៊េរី ២០១៧ ដែលបំពាក់យ៉ាន់ពណ៍មាសយ៉ាងឡូយ ជិតនឹងបានបង្ហាញខ្លួននៅលើទីផ្សារក្នុងស្រុកជាមួយតម្លៃប្រហែល ២ ៣០០ដុល្លារ។ នេះបើតាមប្រភពពីក្រុមហ៊ុន Honda បានបញ្ជាក់នៅព្រឹកនេះ។
ម៉ូតូរាងឡូយ Honda Click Sport R.T Evolutions 125i ស៊េរីឆ្នាំ ២០១៧ នេះតែមផុសថ្មីបែប 3D កាំបន្ទះ (យ៉ាន់) ពណ៍មាស អំពូលភ្លើងមុខ-ក្រោយប្រភេទ LED ភ្លឺច្បាស់ កុងទ័រក្រាលដោយកញ្ជក់ LCD មើលបានគ្រប់ជ្រុង ឃ្លុបក្រោមកែប ធំជាងមុនអាចដាក់មួកសុវត្ថិភាពបាន។
Click i125 ស៊េរី ០១៧ ឌីហ្សាញរូបរាងខាងក្រៅទាក់ទាញ តែមអាប់ដេតថ្មី ឯយ៉ាន់រំលេចពណ៌មាស។ វាមានកម្លាំងម៉ាស៊ីន ១២៥ សេសេ មានប្រព័ន្ធធុងទឹកបញ្ចុះកម្តៅ ចំណុះប្រេង ៥,៥ លីត្រ និងស៊ីសាំងមួយលីត្រក្នុងចម្ងាយផ្លូវប្រហែល ៦០គីឡូម៉ែត្រ។
Click ស៊េរីថ្មីប្រភេទយ៉ាន់ពណ៌មាសមានពណ៌ ក្រហម-ខ្មៅ, ខ្មៅ-ឈាមជ្រូក, ស្លែ-ខ្មៅ និង ស-ឈាមជ្រូក ឯប្រភេទយ៉ាន់ពណ៌ធម្មតាមានជម្រើសពណ៌ ខ្មៅសុទ្ធ, ខ្មៅ-ខៀវ, ក្រហម-ខ្មៅ និង ទឹកសណ្ដែក-ខ្មៅ និងបំពាក់បច្ចេកវិទ្យាជាច្រើនទៀត បងSabay នឹងបញ្ជាក់ជូនលម្អិតពេលមកដល់ទីផ្សារ៕