EFC ផ្ញើលិខិតអបអរសាទរសម្ដេចក្នុងឱកាសទទួលពាន IOC President

2017-01-25 02:57:05
ចំនួនមតិ 0 | ចំនួនចែករំលែក 0

ចន្លោះមិនឃើញ

សហព័ន្ធកីឡាអេឡិចត្រូនិកកម្ពុជា (EFC)បានផ្ញើលិខិតអបអរសាទរដល់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាក្នុងឱកាសដែលគណៈកម្មាធិការអូឡាំពិកអន្តរជាតិ (IOC) បានសម្រេចប្រគល់ពានរង្វាន់ IOC President's Trophy កាលពីថ្ងៃទី៥ ខែមករា កន្លងទៅ និងពិធីប្រគល់ពានប្រារព្ធនៅវិមានសន្តិភាពរសៀលថ្ងៃទី២៥ ខែមករានេះ។

សម្តេចនាយករដ្ឋមន្ត្រី ហ៊ុន សែន

ជាមួយគ្នានេះក៏មានសហព័ន្ធកីឡាជាតិជាច្រើនទៀតបានផ្ញើលិខិតអបអរសាទរ និងថ្លែងអំណរអរគុណដល់សម្តេចនាយករដ្ឋមន្ត្រី ហ៊ុន សែន ដែលបានយកចិត្តទុកដាក់ និងឧបត្ថម្ភគាំទ្រយ៉ាងខ្លាំងដល់កីឡាជាតិ និងកីឡាចលនាអូឡាំពិក។ សហព័ន្ធកីឡាជាតិដែលបានផ្ញើលិខិតអបអរសម្ដេចបានទទួលពាននេះមានដូចជា សហព័ន្ធតេក្វាន់ដូ ITF, សហព័ន្ធកីឡាការ៉ាតេដូកម្ពុជា, សហព័ន្ធកីឡាឡើងភ្នំកម្ពុជា, សហព័ន្ធរាំកម្ពុជា, សហព័ន្ធកីឡាហាប់គីដូកម្ពុជា, ខេមរៈសហព័ន្ធតេក្វាន់ដូ WTF, សហព័ន្ធកីឡាវាយកូនបាល់កម្ពុជា, សហព័ន្ធកីឡាតុងហ្គីលម៉ូដូកម្ពុជា, សហព័ន្ធកីឡាបាល់ទះកម្ពុជា, សហព័ន្ធកីឡាវាយសីកម្ពុជា, សហព័ន្ធទាញព្រ័ត្រកម្ពុជា, សហព័ន្ធបាល់ទាត់កម្ពុជា, សហព័ន្ធទ្រីយ៉ាត្លុងកម្ពុជា, សហព័ន្ធគុនដាវកម្ពុជា, សហព័ន្ធកីឡាបាល់បោះកម្ពុជា, សហព័ន្ធកីឡាហែលទឹកកម្ពុជា, សហព័ន្ធកីឡាកាយសម្ព័ន្ធកម្ពុជា, សហព័ន្ធកីឡាស្គីទឹកកកកម្ពុជា។

គណៈកម្មាធិការអូឡាំពិកអន្តរជាតិបានប្រកាសប្រគល់ពានរង្វាន់ប្រធានគណៈកម្មាធិការអូឡាំពិកអន្តរជាតិ«IOC President’s Trophy» កាលពីថ្ងៃទី៥ ខែមករា កន្លងទៅដល់សម្តេចនាយករដ្ឋមន្ត្រី ហ៊ុន សែន។ តាមការឲ្យដឹងពីគណៈកម្មាធិការជាតិអូឡាំពិកកម្ពុជា ការសម្រេចប្រគល់ពានរង្វាន់ IOC President’s Trophy ដោយផ្នែកការយកចិត្តទុកដាក់ខ្ពស់ ឧបត្ថម្ភគាំទ្រវិស័យកីឡាជាតិ និងចលនាអូឡាំពិករបស់សម្តេច៕