អស្ចារ្យណាស់! ឥឡូវនេះ នៅកម្ពុជាមានម៉ាស៊ីនស្កេន ដឹងពីសមត្ថភាពខួរក្បាលឆ្លាតប៉ុណ្ណា
- 2017-01-25 07:34:35
- ចំនួនមតិ 0 | ចំនួនចែករំលែក 0
អស្ចារ្យណាស់! ឥឡូវនេះ នៅកម្ពុជាមានម៉ាស៊ីនស្កេន ដឹងពីសមត្ថភាពខួរក្បាលឆ្លាតប៉ុណ្ណា
ចន្លោះមិនឃើញ
កម្មវិធី ស្កេនវិភាគសមត្ថភាពខួរក្បាល តាមរយៈក្រយៅដៃ ឲ្យដឹងពី បុគ្គលិកលក្ខណៈ និងអត្តចរិតពីកំណើត ភាពវៃឆ្លាត ភាពខ្លាំង ភាពខ្សោយ បានមកដល់ប្រទេសកម្ពុជា និងសម្ពោធដាក់ឲ្យដំណើរការជាផ្លូវការហើយ នៅមជ្ឈមណ្ឌលសហប្រតិបត្តិការកម្ពុជា-ជប៉ុន កាលពីព្រឹកមិញ។
កម្មវិធី កុំព្យូទ័រស្កេនឈ្មោះថា Dermatoglyphics Multiple Intelligence Test (DMIT) របស់ក្រុមហ៊ុន Brain Scan Cambodia បាននាំចូលពីប្រទេសថៃ បង្កើតដោយក្រុមអ្នកជំនាញជាច្រើនផ្នែក ដូចជា វិទ្យាសាស្ត្រវិស្វកម្ម និងចិត្តវិទ្យា រួមគ្នាជាមួយក្រុមការងារស្រាវជ្រាវសិក្សាផ្នែកស្បែកក្រយៅដៃ។
តាមការឲ្យដឹងពី លោកស្រី Sudsiri Prasitphon ជាស្ថាបនិកក្រុមហ៊ុន Brain Scan បានឲ្យដឹងថា ចំពោះ កម្មវិធីស្កេន នោះ នឹងផ្ដល់នូវលទ្ធផលរបាយការណ៍ អំពីទេពកោសល្យរបស់មនុស្សម្នាក់ៗ ចាប់ពីអាយុ២ខួបឡើងទៅ រហូតមនុស្សពេញវ័យ។ វាបង្ហាញឲ្យពួកគេដឹងពីចំណុចខ្លាំង និងចំណុចខ្សោយ ដែលជួយឲ្យ សាមីខ្លួន ជាពិសេសឪពុកម្ដាយ លោកគ្រូអ្នកគ្រូ ដឹងពីបុគ្គលិកលក្ខណៈ របស់បុគ្គលម្នាក់ នឹងជួយពង្រឹងភាពខ្លាំង និងភាពខ្សោយ របស់បុគ្គលក្នុងការសិក្សា ឬការងារជាដើម។
ផ្អែកលើការស្រាវជ្រាវលោកវេជ្ជបណ្ឌិត កាយវិភាគវិទ្យា John Evangelist Purkinje បានរកឃើញថាស្នាមក្រយៅ និងខួរក្បាលរបស់មនុស្សមានភាពជាប់ទាក់ទងគ្នាតាំងពីនៅក្នុងគភ៌ម្ដាយ។ ក្រយៅដៃ និងក្រយៅជើង ចាប់ផ្ដើមអភិវឌ្ឍឡើងពីកោសិកា ប្រភេទតែមួយ ជាមួយនិង កោសិកាខួរក្បាល តាំងពីសប្ដាហ៍ទី១៣ រហូតដល់សប្ដាហ៍ទី២៤ ទើបពេញលេញ។
ក្រយៅមនុស្សមិនមានភាពដូចគ្នាទេ ជាហេតុនាំឲ្យ មនុស្សអាចកំណត់អត្តសញ្ញាណរបស់បុគ្គលម្នាក់ៗបាន។
តាមការឲ្យដឹងបន្ថែម របស់ស្ថាបនិកជនជាតិថៃដដែលបានឲ្យដឹងថា ក្រុមហ៊ុននៅប្រទេសថៃ ដែលមាន ១៥សាខា បានទទួលប្រជាជនថៃ មកស្កេនប្រមាណ៣ម៉ឺននាក់ក្នុង១ឆ្នាំៗ ក្នុងនោះមានចំនួនក្មេងៗ ចំនួន២ម៉ឺននាក់ ដែលឪពុកម្ដាយបាននាំមកស្កេន ក្នុងបំណងឲ្យកម្មវិធីវិទ្យាសាស្ត្រនោះ ប្រាប់លទ្ធផលអំពីទេពកោសល្យ របស់កូនៗពួកគេ។
គួររំលឹកផងដែរ កម្ពុជាបាននាំចូលបច្ចេកវិទ្យាខាងលើ សម្រាប់ធ្វើការជាមួយ អតិថិជនដែលចង់បាន ប្រើទៅលើ សិស្ស បុគ្គលិក ដើម្បីយល់ដឹង ពីសមត្ថភាព ភាពលេចធ្លោរបស់ពួកគេ។ ចំពោះការស្កេនក្រយៅដៃ ពេញ១កម្មវិធី សម្រាប់មនុស្សម្នាក់ នឹងចំណាយអស់១៥៦ដុល្លារ ហើយរង់ចាំលទ្ធផលរយៈពេល ១សប្ដាហ៍ ដើម្បីធ្វើការវិភាគក្នុងមន្ទីរពិសោធន៍៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
