Liverpool ប្រើយន្តហោះឯកជនទៅយក Mane ឲ្យទាន់ប្រកួត Chelsea

2017-01-30 02:30:05
ចំនួនមតិ 0 | ចំនួនចែករំលែក 0

ចន្លោះមិនឃើញ

Liverpool មិនចំណាយពេលទន្ទឹងរង់ចាំ Sadio Mane យូរឡើយបន្ទាប់ពីរូបគេ ចប់បេសកកម្មជាមួយនឹងក្រុមជម្រើសជាតិសេណេហ្គាល់។

Mane នឹងហោះត្រង់មក Liverpool តាមយន្តហោះឯកជន

ក្រុមជម្រើសជាតិសេណេហ្គាល់ បានធ្លាក់ចេញពីពាន Africa Cup of Nation ក្រោយចាញ់ កាមេរ៉ូននៅវគ្គទាត់បាល់ប៉េណាល់ទីកាត់សេចក្ដី។ មហាសេដ្ឋីក្លឹបរហស្សនាមថាហង្សក្រហមបានប្រើយន្តហោះឯកជន (Private Jet) ទៅដឹក Mane ពីប្រទេសហ្គាបុងដើម្បីឲ្យមកលេងទាន់ប្រកួតដ៏សំខាន់ជាមួយ Chelsea នៅយប់ថ្ងៃអង្គារ។

នេះមិនមែនលើកដំបូងទេដែល Liverpool ប្រើយន្តហោះឯកជន ទៅដឹកកីឡាករសំខាន់ៗ ហោះត្រង់ មកអង់គ្លេស ជាក់ស្ដែងកាលពីឆ្នាំ២០១៣ ក្លឹបនេះធ្លាប់ទៅដឹក Suarez ពីអាមេរិកខាងត្បូង មកលេងឲ្យទាន់ប្រកួតទល់នឹង Everton ហើយថ្មីៗនេះ Liverpool ក៏បានប្រើយន្តហោះឯកជនទៅដឹក Firmino និង Coutinho ដូចគ្នា៕

ប្រភព៖ Dailymail ប្រែសម្រួល៖ វីរ័ត្ន