iPhone នៅចិនបាត់ពីតំណែងកំពូលទៅហើយ
- 2017-01-31 01:49:13
- ចំនួនមតិ 0 | ចំនួនចែករំលែក 0
iPhone នៅចិនបាត់ពីតំណែងកំពូលទៅហើយ
ចន្លោះមិនឃើញ
iPhone របស់ Apple បានជាប់ជាស្មាតហ្វូនលក់ដាច់ជាងគេនៅក្នុងប្រទេសចិនចាប់តាំងពីឆ្នាំ ២០១២ មកម្ល៉េះ ប៉ុន្តែពេលនេះតំណែងកំពូលត្រូវបានក្រុមហ៊ុន Oppo ដណ្ដើមយកបានសម្រេច។
បើតាមរបាយការណ៍របស់ក្រុមហ៊ុនស្រាវជ្រាវទីផ្សារ Counterpoint Research បង្ហាញថា ស្មាតហ្វូន Oppo ម៉ូដែល R9 លក់ចេញបាន ១៧ លានគ្រឿងនៅក្នុងប្រទេសចិនកាលពីឆ្នាំទៅ ដែលស្មើនឹង ៤% នៃទីផ្សារសរុប។ ចំណែកឯ Apple វិញលក់ iPhone 6s បានត្រឹម ១២ លានគ្រឿងប៉ុណ្ណោះនៅឆ្នាំ ២០១៦ ដែលស្មើនឹង ២% នៃទីផ្សារសរុប។ តាមរយៈតួលេខនេះធ្វើឲ្យ R9 ក្លាយជាស្មាតហ្វូនលក់ដាច់ជាងគេប្រចាំឆ្នាំ ២០១៦ ដោយបានដណ្ដើមយកតំណែង iPhone ដែលកាន់កាប់អស់ ៥ ឆ្នាំមកហើយ។
គិតលើចំនួនលក់នៃស្មាតហ្វូនទាំងអស់របស់ Oppo នៅទីផ្សារប្រទេសចិនឃើញថាកើនឡើង ១០៩%, Huawei កើនឡើង ២១% ប៉ុន្តែ Apple វិញមានការធ្លាក់ចុះដល់ ២១% ឯណោះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
