CEO របស់ Uber ដកខ្លួនចេញពីក្រុមប្រឹក្សាសេដ្ឋកិច្ចរបស់លោក ត្រាំ ក្រោយរង..

2017-02-04 04:07:05
ចំនួនមតិ 0 | ចំនួនចែករំលែក 0

ចន្លោះមិនឃើញ

នាយកប្រតិបត្តិរបស់ក្រុមហ៊ុនដឹកជញ្ជូនអាមេរិកដ៏ធំ Uber លោក Travis Kalanick បានដកខ្លួនចេញពីតំណែងក្រុមប្រឹក្សាសេដ្ឋកិច្ចរបស់លោកប្រធានាធិបតីអាមេរិក Donald Trump បន្ទាប់ពីរងការរិះគន់ឥតប្រណី និងធ្វើពហិការតាមអនឡាញពីអ្នកគាំទ្រ។ នេះយោងតាមការអះអាងពីក្រុមហ៊ុន Uber ដែលជាក្រុមហ៊ុនដឹកជញ្ជូនទូទាំងពិភពលោក។

លោក Travis Kalanick (រូបថត៖

លោក Travis Kalanick បានសរសេរសារអេឡិចត្រូនិកមួយទៅកាន់បុគ្គលិក Uber ថា ៖«ទាំងព្រឹកព្រលឹមនេះខ្ញុំបាននិយាយខ្លីជាមួយលោកប្រធានាធិបតីអំពីចំណាត់ការជនអន្តោប្រវេសន៍ ហើយវាជាបញ្ហាសង្គមរបស់យើង។ ខ្ញុំបានប្រាប់គាត់ដឹងថា ខ្ញុំមិនអាចចូលរួមជាមួយក្រុមប្រឹក្សាសេដ្ឋកិច្ចបានឡើយ។ ចូលរួមជាមួយក្រុមនេះគឺមិនមែនមានន័យថា ជាការកំហិតរបស់លោកប្រធានាធិបតី ឬ របៀបវារៈរបស់លោកទេ ប៉ុន្តែជាអកុសល វាត្រូវបានបកស្រាយដោយយល់ច្រឡំ»។

ក្រុមហ៊ុន Uber បានប្រឈមនឹងយុទ្ធនាការពហិការដ៏ខ្លាំងក្លាមួយពីអ្នកប្រើប្រាស់តាមរយៈបណ្តាញទំនាក់ទំនងសង្គមនៅពេលដែលលោកប្រធានាធិបតីTrump បានដាក់ចេញគោលនយោបាយហាមឃាត់ជនអន្តោប្រវេសន៍ និងជនភៀសខ្លួនដែលពាក់ព័ន្ធនឹងសាសនាឥស្លាម៧ប្រទេស។