ថៅកែប៉ះកង់ឡានចល័ត ២៤ ម៉ោង រកស៊ីអត់ខ្លាចរឿងបោក
- 2017-02-09 03:23:33
- ចំនួនមតិ 0 | ចំនួនចែករំលែក 0
ថៅកែប៉ះកង់ឡានចល័ត ២៤ ម៉ោង រកស៊ីអត់ខ្លាចរឿងបោក
ចន្លោះមិនឃើញ
ថៅកែរថយន្តប៉ះកង់ចល័តកំពុងទទួលការចាប់អារម្មណ៍ បានអះអាងថា លោកអាចឲ្យម្ចាស់រថយន្តបែកកង់ឬត្រូវកូវអាគុយ ផ្ញើប្រាក់ឲ្យលោកតាមក្រោយ បើពួកគេអត់មានប្រាក់គ្រប់ជាប់ខ្លួន ដោយមិនខ្លាចគេបោកឡើយ។
“ខ្ញុំនិយាយមែនបង បើពួកគាត់អត់បានជាប់លុយមកជាមួយ ឬលុយអត់គ្រប់ឲ្យខាងខ្ញុំអីហ្នឹង អាចផ្ញើលុយមកតាមក្រោយបាន"។ ដល់ពេល Sabay សួរ "ចុះបើគេបោក អត់ផ្ញើលុយឲ្យ គិតម៉េចវិញ? លោក ជា ថៅកែរថយន្តប៉ះកង់វ័យក្មេងចល័តរូបនេះឆ្លើយថា "អារឿងហ្នឹង បើគាត់មានដល់ឡានជិះហើយគាត់ធ្វើអ៊ីចឹងដាក់យើង ក៏ខ្ញុំអត់ដឹងថាម៉េចដែរ ហាហា..."។ តែយ៉ាងណាលោក ជឿថាកម្លាំងញើសឈាមដែលខាងលោកខំជួយអតិថិជនទាំងយប់ ប្រហែលមិនមានរឿងបែបនេះទេ។
ថៅកែវ័យក្មេងរូបនេះ បន្ថែមថា ការរកស៊ីដំបូងវាលំបាក តែបើយើងអាចផ្ដល់ភាពងាយស្រួល សេវាកម្មរហ័ស និងទំនុកចិត្តដល់អតិថិជន នោះជំនួញនឹងរីកចម្រើនទៅមុខរហូត។ ខាងលោកផ្តល់សេវាកម្ម ២៤ ម៉ោង ទោះបីកណ្តាលយប់ ក៏ក្រុមការងារលោកទៅប៉ះកង់ឡាននិងកូវអាគុយឡានដល់កន្លែងដែរ។
ចំពោះតម្លៃ លោកគិតជាជើងឡាន។ ចាប់ពីម៉ោង ៧ ព្រឹក លោកយកថ្លៃ ២៨ ០០០ រៀល ឯពេលយប់ចាប់ពីម៉ោង ៦ គិតថ្លៃ ៣៥ ០០០ រៀល តែបើកាន់តែយប់ជ្រៅអាចថ្លៃជាងនេះបន្តិច។
ក្នុងមួយថ្ងៃ ម្ចាស់ឡានប៉ះកង់ចល័តរូបនេះ អាចរកបានប្រហែលខ្ទង់ ២០ ដុល្លារ ហើយបើរីកចម្រើន អនាគតលោកគ្រោងទិញឡាន ៤ គ្រឿងបន្ថែម ដើម្បីផ្ដល់សេវាប៉ះកង់ឡាននិងកូវអាគុយឡានដល់ភ្ញៀវ៕