ដំណឹងល្អ! បាត់សញ្ញាបត្របាក់ឌុប ក្រសួងនឹងធ្វើឲ្យវិញ តែមានលក្ខខណ្ឌពិសេស

2017-02-10 01:44:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះក្រសួងអប់រំបានបញ្ជាក់ថា នឹងធ្វើសញ្ញាបត្រមធ្យមសិក្សាទុតិយភូមិដល់បេក្ខជនម្ដងទៀត ករណីបាត់ដោយសារឧបទ្ទវហេតុដោយពិតប្រាកដ។ តាមទំព័រហ្វេសបុកផ្លូវការរបស់ក្រសួងអប់រំ យុវជននិងកីឡា បានឱ្យដឹងថា ករណីបាត់សញ្ញាបត្រមធ្យមសិក្សាទុតិយភូមិ បេក្ខជនត្រូវមកទាក់ទងនៅការិយាល័យប្រឡង នៃនាយកដ្ឋានមធ្យមសិក្សាចំណេះទូទៅ។

ចំពោះឯកសារ តម្រូវឲ្យអ្នកដែលបាត់សញ្ញាបត្រមធ្យមសិក្សាទុតិយភូមិនោះ ត្រូវភ្ជាប់មកជាមួយនូវ៖ សំបុត្រកំណើត វិញ្ញាបនបត្រមធ្យមសិក្សាបឋមភូមិថតចម្លងមួយមុខ០១ច្បាប់ និងលិខិតបញ្ជាក់ពីអាជ្ញាធរដែនដី ថាពិតជាមានឧបទ្ទវហេតុ ដែលបណ្តាលឱ្យបាត់ពិតប្រាកដមែន។ នាយកដ្ឋានជំនាញ នឹងធ្វើជូនក្នុងរយៈពេលយ៉ាងយូរពីរសប្តាហ៍ ដោយគ្មានបង់ប្រាក់ឡើយ។

គួរបញ្ជាក់ផងដែរ ក្រសួងបានបញ្ជាក់បែបនេះ បន្ទាប់ពីមានយុវជនម្នាក់បង្ហោះក្នុងបណ្ដាញសង្គមហ្វេសបុករបស់ខ្លួន ឈ្មោះ Anda No-Love ករណីបាត់សញ្ញាបត្រទុតិយភូមិរបស់លោក កាលពីឆ្នាំ២០១៤។