វីរបុរស Real Madrid ថាពិតជាឈឺចិត្ត ពេលឃើញ Barcelona ឡើងផ្ដាច់ព្រ័ត្រម្តងៗ

2017-02-10 09:49:10
ចំនួនមតិ 0 | ចំនួនចែករំលែក 0

ចន្លោះមិនឃើញ

Raul វីរបុរសក្លឹប Real Madrid បានលើកឡើងថា លោកតែងតែខកចិត្ត ឬឈឺចិត្ត ពេលឃើញក្រុម Barcelona ដែលជាក្រុមគូប្រជែងធំ របស់ក្រុមស្តេចស អាចឡើងដល់វគ្គផ្ដាច់ព្រ័ត្រម្តងៗ។

Raul អតីតប្រធានក្រុម Real Madrid (កណ្តាល)

ក្រុមកំពូលតារាង La Liga ស្តេចស Real Madrid បានធ្លាក់ពីពាន Copa del Rey ត្រឹមវគ្គ៨ក្រុមចុងក្រោយ ក្រោមថ្វីជើងក្រុម Celta Vigo រដូវកាលនេះ ខណៈដែល Barcelona បានឡើងវគ្គផ្ដាច់ព្រ័ត្រ ត្រូវប៉ះ Alaves នៅថ្ងៃទី២៧ ខែឧសភាខាងមុខ។

អតីតខ្សែប្រយុទ្ធ ដែលជួយឲ្យ Real ឈ្នះពាន La Liga ៦ដង និងឈ្នះ UEFA Champions League ៣ដង បានប្រាប់ដល់ Fox Sports Mexico ថា៖ "នៅពេលដែលក្រុមអ្នក ធ្លាក់ចេញពីពានរង្វាន់ ដូចអ្វីដែលកើតឡើងលើ Real Madrid នៅ Copa del Rey រដូវកាលនេះ..វាតែងតែខកចិត្ត និងកាន់ឈឺចិត្ត ពេលគូប្រជែងរបស់ខ្លួន អាចឡើងដល់វគ្គផ្ដាច់ព្រ័ត្រ។ ប៉ុន្តែយើងកំពុងធ្វើបានល្អនៅ La Liga និងនៅ UEFA Champions League។ នេះមិនមែនមានន័យថា Copa មិនសំខាន់នោះទេ ប៉ុន្តែបើអាចឈ្នះពាន២នេះ វាពិតជាសំខាន់ជាង"។

សម្រាប់ពាន Copa del Rey ក្រុមដែលឈ្នះច្រើនជាងគេគឺ ក្រុម Barcelona ធ្លាប់ឈ្នះសរុប២៨ដង និងឈ្នះ២ឆ្នាំជាប់ៗគ្នាចុងក្រោយនេះ ខណៈដែល Athletic Bilbao ធ្លាប់ឈ្នះបាន២៣ដង និង Real Madrid ស្ថិតនៅលេខរៀងទី៣ លើកពាននេះបាន ១៩ដង៕

ប្រភព៖ Goal ប្រែសម្រួល៖ វិន ជីវ័ន្ត