ថ្ងៃកំណើត មាន សូនីតា អត់ចង់បានចំណងដៃ ចុះចង់បានអីវិញ?

2017-02-10 13:10:28
ចំនួនមតិ 0 | ចំនួនចែករំលែក 0

ចន្លោះមិនឃើញ

"រាជិនីក្រមាខ្មែរ" ជាឈ្មោះដែលអ្នកគាំទ្រដាក់ឲ្យ មាន សូនីតា ថ្ងៃនេះជានាងបានរៀបចំកម្មវិធីគម្រប់ខួប ២៧ ឆ្នាំ រួមទាំងបើកសម្ពោធ "ផ្ទះស្រលាញ់: Slanh House" ជាផ្លូវការផងដែរ តែក្នុងថ្ងៃពិសេសនេះ នីតា ថានាងមិនចង់បានចំណងដៃជាធំនោះទេ។

តួស្រីក្នុងរឿង "ស្នេហ៍ស្វ័យគុណ៤" លើកឡើងថា អ្វីដែលនាងចង់បានពិសេសនោះគឺ កាដូ ដូចដែលនៅតូចៗចង់ធ្វើខួបកំណើតគឺចង់បានកាដូពីមិត្តភក្ដិ មិនមែនចំណងដៃនោះទេ។ "អ្នកខ្លះគាត់ប្ដូរ Concept ព្រោះគាត់ធ្វើខួបកំណើតចង់បានចំណងដៃ តែខ្ញុំអត់ទេ ខ្ញុំចង់រក្សាអារម្មណ៍ក្មេងៗ ក៏ដូចជារំលឹកពេលនៅក្មេងៗច្រើនជាង កាដូដែលអ្នកទាំងអស់គ្នាជូនគឺពិសេសសម្រាប់ខ្ញុំ"។ នីតា បន្ត។

តារាស្រីវ័យ ២៧ បន្ថែមទៀតថា មិនត្រឹមតែរៀបចំកម្មវិធីគម្រប់ខួប ២៧ ឆ្នាំ រួមទាំងបើកសម្ពោធ "ផ្ទះស្រលាញ់: Slanh House" ជាផ្លូវការប៉ុណ្ណោះនោះទេ វាក៏ជាកម្មវិធីអបអរដែលនាងបានដំណើរការគម្រោង "SLANH” បានរយៈពេល៣ឆ្នាំផងដែរ៕