លោកតា៩០ឆ្នាំ ដើរសំលៀងកាំបិតគេងក្រោមស្ពាន បែរជួបរឿងស្មានមិនដល់

2017-02-13 06:44:34
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមបណ្ដាញសង្គមថៃមានការចែកចាយរូបថតលោកតាម្នាក់អាយុ៩០ឆ្នាំ មកពីខេត្តឧដុនថានី មកប្រកបរបរជាអ្នកសំលៀងកាំបិតនៅទីក្រុងបាងកក ដោយស្នាក់នៅបរិវេណផ្លូវហាយវ៉េក្រោមស្ពានអាកាសជាកន្លែងគេងយប់ មិនមានផ្ទះ មានត្រឹមតែមុងចាស់ ក្រាលបន្ទះក្ដារចងជាមួយដើមឈើប៉ុណ្ណោះ។

មនុស្សមួយក្រុមបានបញ្ជាក់ថា នាពេលល្ងាចពួកគេបានត្រលប់មកពីលេងផ្ទះមិត្តភ័ក្ដិវិញ ក៏បានជួបលោកតាម្នាក់កំពុងអង្គុយខាងមុខកន្លែងស្នាក់នៅរបស់គាត់ ក្រោយពេលឃើញពួកគេ គាត់បានគេចទៅអង្គុយកន្លែងម្ខាងទៀត។

ឃើញសភាពបែបនេះ មនុស្សមួយក្រុមខាងលើ បានដើរចូលទៅសួរលោកតាថា "តើលោកតាទៅណា? ពួកខ្ញុំស្ម័គ្រចិត្តនឹងនាំលោកតាទៅនៅផ្ទះពួកខ្ញុំ តែបែរជាតាតបវិញថា មិនអីទេ។" ទោះជាចម្លើយរបស់តាបែបនេះ ពួកគេបាននិយាយបញ្ចុះបញ្ចូលរហូតលោកតាយល់ព្រម។

លោកតាប្រាប់ថា គាត់មិនមានកន្លែងគេងឡើយទើបមកគេងក្រោមគែមផ្លូវដូច្នេះ ហើយឡើងមកក្រុងបាងកកព្រោះនៅខេត្ត លោកតាមិនអាចរកប្រាក់បាន ទើបមកធ្វើការនៅទីនេះ។

ចុងក្រោយ នាវេលាព្រឹកមួយ ពួកគេបាននាំលោកតាទៅពិសាអាហារពេលព្រឹក រួចនាំតាទៅមើលកន្លែងស្នាក់នៅថ្មី ដែលជាផ្ទះមានសម្ភារៈប្រើប្រាស់គ្រប់បែបយ៉ាងនៅភូមិសិនថន ផ្លូវ១៧ និងមានអ្នកចូលមកសួរសុខទុក្ខលោកតាជាបន្តបន្ទាប់៕