សុខ ពិសី បង្ហើបថា មានគេចូលស្ដីដណ្ដឹងនាងហើយ!
- 2017-02-24 00:11:00
- ចំនួនមតិ 0 | ចំនួនចែករំលែក 0
សុខ ពិសី បង្ហើបថា មានគេចូលស្ដីដណ្ដឹងនាងហើយ!
ចន្លោះមិនឃើញ
កញ្ញា សុខ ពិសី បានប្រាប់ Sabay ថា ក្នុងពេលនេះមានបុរសៗទាំងក្នុង និងក្រៅរង្វង់សិល្បៈច្រើនអ្នកបានមកចូលស្ដីដណ្ដឹងនាង។ តែគួរឲ្យស្ដាយបុរសទាំងនោះត្រូវបាន ពិសី បដិសេធស្នេហ៍ទាំងអស់។
បុរសៗដែលចូលស្ដីដណ្ដឹង សុខ ពិសី មានមន្ត្រីរាជការតារាសម្ដែង និងចម្រៀងជាដើម។ មូលហេតុដែលនាងមិនព្រមទទួលយកបុរសទាំងនោះ មិនបានន័យថាស្អប់ខ្ពើមគិតមានឬក្រទេ។ តែអ្វីដែលសំខាន់មួយរយៈនេះ នាងជាប់រវល់ជាមួយការងារសិល្បៈ។ ម្យ៉ាងទៀត មិនទាន់ចង់គិតគូរពីស្នេហាផង ព្រោះឃើញគូស្នេហ៍នៅក្នុងរង្វង់សិល្បៈមួយចំនួនបែកបាក់គ្នាជាបន្តបន្ទាប់ ហេតុដូច្នេះហើយទើបសម្រេចចិត្តទុកបេះដូងឲ្យនៅទំនេរសិន។ សុខ ពិសី បន្ត។
នាងនិយាយថា "ចាសបងបុរសៗ ដែលចង់បាននាងខ្ញុំ ភាគច្រើនគាត់ចូលមកដល់លោកប៉ាខ្ញុំតែម្ដងបង ទោះបីគាត់ចូលស្ដីដណ្ដឹងខ្ញុំមិនបាន ក៏គាត់មិនខឹងខ្ញុំដែរ ពួកយើងនៅតែរក្សាទំនាក់ទំនងដូចដើមគ្មានអ្វីប្រែប្រួលទេបង ទាំងអ្នកសិល្បៈដូចគ្នា និងក្រៅសិល្បៈ តែនាងខ្ញុំសុំបញ្ចេញឈ្មោះអ្នកនៅក្នុងរង្វង់សិល្បៈទេបង"។
សម្រាប់គូអនាគត ពិសី មិនទាន់ប្រាកដក្នុងចិត្តទេថា យកអ្នកសិល្បៈដូចគ្នា ឬក៏មន្ត្រីរាជការនោះទេ គ្រប់យ៉ាងអាស្រ័យទៅលើពេលវេលា និងព្រហ្មលិខិតជាអ្នកកំណត់៕