Samsung បង្ហាញម៉ាស៊ីនត្រជាក់ស៊េរីថ្មី 8 Pole Digital Inverter ដំបូងបំផុតលើពិភពលោក

2017-02-25 16:30:14
ចំនួនមតិ 0 | ចំនួនចែករំលែក 0

ចន្លោះមិនឃើញ

Samsung បង្ហាញម៉ាស៊ីនត្រជាក់ស៊េរីថ្មី 8 Pole Digital Inverter ដំបូងបំផុតលើពិភពលោក ដែលធ្វើឲ្យបន្ទប់កាន់តែត្រជាក់ល្អ កាលពីល្ងាចថ្ងៃសុក្រ ទី២៤ នៅសណ្ឋាគារ Raffle ខណៈមនុស្សប្រមាណ ២០០ នាក់ ចូលរួម។

ម៉ាស៊ីនត្រជាក់នេះ មិនត្រឹមជួយកម្ចាត់មេរោគដើម្បីធ្វើឲ្យខ្យល់បរិសុទ្ធនោះទេ ថែមទាំងធ្វើឲ្យបន្ទប់ត្រជាក់លឿន និងសន្សំសំចៃភ្លើង។ 8 Pole Digital Inverter ក៏ត្រូវបានរចនា ដើម្បីកាត់បន្ថយសំឡេងរំខាន ធ្វើឲ្យបរិស្ថានស្ងប់ស្ងាត់ល្អ ខណៈពេលម៉ាស៊ីនកំពុងដំណើរការ។

លោក Seungho Choi នាយកគ្រប់គ្រង Samsung ថៃសាខាកម្ពុជា ថ្លែងថា៖ "ខ្ញុំពិតជារំភើបមែនទែនក្នុងការបង្ហាញម៉ាស៊ីនត្រជាក់ថ្មីសន្លាង ដែលជាបច្ចេកវិទ្យាទំនើបចុងក្រោយបំផុតរបស់យើងក្នុងឆ្នាំ២០១៧។

ជាមួយភាពច្នៃប្រឌិតរបស់ 8 Pole Digital Inverter ខ្ញុំសង្ឃឹមយ៉ាងមោះមុតថាកំណែចុងក្រោយបំផុតនៃម៉ាស៊ីនត្រជាក់ Samsung នេះនឹងរក្សាជំហររបស់ Samsung ឲ្យនៅតែឈានមុខគេក្នុងទីផ្សារកម្ពុជា ហើយយើងជឿជាក់ថា ការផ្តល់ជូនរបស់យើងនឹងជួយបំពេញតម្រូវការ និងការរស់នៅរបស់ប្រជាជនកម្ពុជា"។

Samsung នឹងរៀបចំកម្មវិធីមួយទៀតនៅថ្ងៃទី៤ មីនា នៅហាងទំនើបSamsung KLDis (អគារលេខ ៣០៦ ផ្លូវ៩៣ មហាវិថីព្រះមុនីវង្ស សង្កាត់បឹងរាំង ខណ្ឌដូនពេញ ភ្នំពេញ ចាប់ពីម៉ោង ៨ ព្រឹក ដល់ម៉ោង ៨ ល្ងាច) ដែលនឹងបង្ហាញម៉ាស៊ីនត្រជាក់ 8 Pole Digital Inverter ទាំងអស់។ អតិថិជននឹងទទួលបានការបន្ថែមជូនពិសេស ដូចជា ការបញ្ចុះតម្លៃ ការដំឡើង និងឧបករណ៍ដោយឥតគិតថ្លៃ ការលេងហ្គេមឈ្នះរង្វាន់ភ្លាមៗ និងការផ្តល់ជូនមិនធ្លាប់មានពីមុនមកក្នុងទីផ្សារម៉ាស៊ីនត្រជាក់នៅកម្ពុជា (កញ្ចប់ថែមជូនមានតម្លៃ ៨០ ដុល្លារ ក្នុងមួយឯកតានៃម៉ាស៊ីនត្រជាក់)៕