JLo ប្រកាន់ជំហរមិនផ្សះផ្សាជាមួយ Marc ទោះមានហេតុផលសមល្មមនឹងត្រូវក៏ដោយ

2017-03-06 03:15:29
ចំនួនមតិ 0 | ចំនួនចែករំលែក 0

ចន្លោះមិនឃើញ

Jennifer Lopez បានរៀបការ និងបានរួមរស់ជាមួយតារាសម្ដែងជនជាតិអាមេរិក Marc Anthony អស់រយៈពេល ១០ឆ្នាំ មុនសម្រេចចិត្តចែកផ្លូវគ្នា។

ថ្វីត្បិតតារាទាំងពីរបានបែកគ្នា តែពួកគេនៅតែរាប់អានគ្នាដដែល។ តួយ៉ាងក្នុងពេលបច្ចុប្បន្នអ្នកទាំងពីរកំពុងបង្កើតអាល់ប៊ុមជាភាសាអេស្ប៉ាញរួមគ្នាមួយ ដែលធ្វើឲ្យចំណងមិត្តភាពរបស់ពួកគេមានភាពល្អប្រសើរឡើង។ បើទោះបីមិត្តភាព របស់អតីតគូស្នេហ៍ទាំងពីរនេះមានភាពរឹងមាំយ៉ាងណាក្ដី ក៏មិនបានធ្វើឲ្យតារាចម្រៀងជនជាតិអាមេរិក Jennifer Lopez ចង់វិលទៅរកស្នេហ៍ចាស់វិញដែរ។

កាលពីថ្ងៃសុក្រ សប្ដាហ៍មុនក្នុងកម្មវិធី "The View” តារាចម្រៀងវ័យ ៤៧ឆ្នាំរូបនេះបាននិយាយថា ទំនាក់ទំនងរវាង Marc និងនាងមានភាពល្អជាធម្មតា ហើយពួកគេតែនៅតែជាមិត្តល្អ។ ក្នុងនោះនាងក៏បាននិយាយពី ការងារដែលនាងកំពុងធ្វើរួមគ្នា ជាមួយអតីតស្វាមី នៅលើអាល់ប៊ុមជាភាសាអេស្ប៉ាញ ក្នុងពេលបច្ចុប្បន្ននេះផងដែរ។

តារាចម្រៀងទាំងពីរបានធ្វើឲ្យអ្នកគាំទ្រមានការភ្ញាក់ផ្អើល នៅពេលដែល អ្នកទាំងពីរបានថើបគ្នាលើឆាក ក្នុងកម្មវិធី "Latin Grammy Award" កាលពីខែវិច្ឆិកា ឆ្នាំ២០១៦។ ប៉ុន្តែផ្អែកលើការបកស្រាយរបស់ អ្នកម្ដាយកូនពីររូបនេះ បានបង្ហាញថា គ្មានមូលហេតុអ្វីដែលស្នេហារបស់នាងអាចវិលទៅរកសភាពដើម ក្រៅពីមិត្តភាពនោះឡើយ៕