ម៉ៃយ៉ា ពន្យល់ស្នាមសាក់ យ័ន្ត៨ទិស លើខ្នង

2017-03-15 08:30:22
ចំនួនមតិ 0 | ចំនួនចែករំលែក 0

ចន្លោះមិនឃើញ

"មានរឿងហេតុការណ៍អីប្រុងកើតឡើង មានអ្វីមកប្រាប់ ហាក់ដូចមានអីមកកាន់ខ្ញុំអីចឹង"នេះជាការលើកឡើងរបស់ តារាសម្ដែងម៉ៃយ៉ា ដែលបានសាក់យ័ន្ត៨ទិសលើខ្នង ។

តារាស្រីរូបនេះបានថ្លែងឲ្យដឹងថា ខ្លួនបានសាក់រូប យ័ន្ត៨ទិសលើខ្នង ជាង១ឆ្នាំមកហើយ ពោល គឺតាំងពីបានបោះជំហានចូលសិល្បៈមកម្ល៉េះ។ តួឯកស្រីក្នុងរឿង"កញ្ញាអំពិលផ្អែម"ប្រាប់ថា ស្នាមសាក់មួយនេះនាងស្រលាញ់ខ្លាំងណាស់ ហើយហាក់ដូចជាមានអ្វីមួយជំរុញឲ្យខ្លួនទៅសាក់រូបនេះឡើងតែម្ដង។

ម៉ៃយ៉ា បានសាក់នៅហាង ជិតផ្ទះរបស់ខ្លួន មិនបានទៅសាក់នៅក្រៅប្រទេសឡើយ។ នាងថា ចាប់តាំងពីមានស្នាមសាក់យ័ន្ត៨ទិស ការងារសិល្បៈកាន់តែរីកចម្រើនឡើងៗ ជាមួយគ្នានោះ មានអ្នកសរសើរថា ស្នាមសាក់របស់ខ្លួនស្អាតខ្លាំង ជាពិសេសអ្នកសិល្បៈជាច្រើនចង់សាក់រូបយន្តនេះ តាមនាង ថែមទៀតផង។

តារាស្រីកូនកាត់អាល្លឺម៉ង់រូបនេះ មិនខ្វល់ការលើកឡើងមតិមួយចំនួនដែលថា មនុស្សសាក់លើដងខ្លួនគឺជាមនុស្សកាចសាហាវ ឬ អ្នកលេងថ្នាំឡើយ។ នាងថា វាគឺជាការស្រលាញ់ ហើយមនុស្សមិនអាចមើលតែសំបកក្រៅបានឡើយ។ លើកដងខ្លួនស្រីស្អាត ម៉ៃយ៉ា មានតែស្នាមសាក់មួយកន្លែងនេះទេ តារាស្រីរូបនេះមិនមានគម្រោងសាក់នៅកន្លែងណាផ្សេងទៀតឡើយ។ សូមស្ដាប់ការពន្យល់របស់មៃយ៉ា ជុំវិញស្នាមសាកយ័ន្ត៨ទិសលើខ្នង របស់នាងទាំងអស់គ្នា៕