បិទកម្មវិធីទាំងបង្ខំជាកំហុសឆ្គងមួយដែលអ្នកប្រើ iPhone តែងធ្វើ

2017-03-08 00:11:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រសិនបើអ្នកជាមនុស្សម្នាក់ដែលជឿថាការបិទកម្មវិធីលើ iPhone ទាំងបង្ខំអាចជួយសន្សំសំចៃថ្មឲ្យប្រើបានយូរនេះ សូមមេត្តាឈប់ធ្វើវាឥឡូវនេះហើយមកអានការពន្យល់ដូចខាងក្រោម៖

ជាដំបូងត្រូវយល់ឲ្យច្បាស់សិនថា ការបិទកម្មវិធីគឺធ្វើឡើងដោយចុចប៊ូតុង Home ម្ដង ហើយការបិទទាំងបង្ខំគឺធ្វើឡើងដោយចុចប៊ូតុង Home ពីរដងរួចអូសកម្មវិធីដែលចង់បិទឡើងទៅលើ។ ភាគច្រើនអ្នកប្រើ iPhone ជឿថាការបិទកម្មវិធីទាំងបង្ខំជួយសន្សំសំចៃថ្មទូរសព្ទ។

តាមពិតទៅពេលដែលអ្នកបិទកម្មវិធីដោយចុចប៊ូតុង Home ម្ដង កម្មវិធីឈប់ប្រើ CPU ទៀតហើយ ។ ពេលចុចប៊ូតុង Home ភ្លាមគឺកម្មវិធីលែងដំណើរការ ដោយវាស្ថិតក្នុងស្ថានភាពផ្អាកដំណើរការដោយមិនប្រើប្រាស់ថាមពលថ្មឡើយ ប៉ុន្តែកម្មវិធីត្រូវរក្សាទុកក្នុងមេមូរីដើម្បីអាចឲ្យអ្នកចូលទៅកាន់ទីតាំងដើមនៅពេលបើកកម្មវិធីសារឡើងវិញ។

ពេលដែលអ្នកបិទកម្មវិធីណាមួយទាំងបង្ខំ វានឹងធ្វើឲ្យកម្មវិធីនោះប្រើមេមូរីច្រើន ដែលនេះអាចផ្ដល់ផលប៉ះពាល់តិចតួចដល់ថាមពលថ្ម។ នៅពេលអ្នកបើកកម្មវិធីនោះពេលក្រោយ ប្រព័ន្ធប្រតិបត្តិការនឹងធ្វើដំណើរការដើម្បីបញ្ចូលកម្មវិធីនោះក្នុងមេមូរីវិញ ដែលធ្វើដូចនេះត្រូវចំណាយថាមពលថ្មបន្ថែមទៀត។ តាមរយៈការបិទកម្មវិធីទាំងបង្ខំ រួចក៏បើកវាឡើងវិញភ្លាម គឺចំណាយថាមពលច្រើនទ្វេដង។

បញ្ជាក់ដដែលថាពេលដែលអ្នកចុចប៊ូតុង Home ម្ដងដើម្បីបិទកម្មវិធីណាមួយ កម្មវិធីនោះនឹងស្ថិតក្នុងស្ថានភាពផ្អាកដំណើរការដោយមិនប្រើប្រាក់ CPU ហើយទោះបីជាវាត្រូវរក្សាទុកក្នុងមេមូរី ក៏វាមិនបានប្រើប្រាស់ថាមពលថ្មសូម្បីបន្តិច។

យ៉ាងណាក្ដីការបកស្រាយខាងលើមិនមែន ហាមមិនឲ្យបិទកម្មវិធីទាំងបង្ខំនោះទេប៉ុន្តែគួរធ្វើវានៅពេលណាដែលកម្មវិធីគាំង ឬ មានដំណើរការខុសប្រក្រតីប៉ុណ្ណោះ៕

ប្រភព៖ iDownloadBlog ប្រែសម្រួល៖ សុខហេង