ជីវប្រវត្តិខ្លះៗរបស់តួស្រីក្នុងរឿង "ប្រពន្ធពស់" ដែលអ្នកមិនធ្លាប់ដឹង

2017-03-10 00:11:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែភាពយន្តភាគឥណ្ឌារឿង "Naagin" ដែលប្រជាជនខ្មែរ ស្គាល់ថាជារឿង "ប្រពន្ធពស់"កំពុងទទួលបានការទស្សនាច្រើន នៅក្នុងប្រទេសកម្ពុជា ដោយសារសាច់រឿងនេះសម្បូរទៅដោយឈុតឆាកអភិនីហារ ធ្វើឲ្យទស្សនិកជន ចង់តាមដានពីមួយភាគ ទៅមួយភាគ។

ភាពយន្តដែលផលិត កាលពីឆ្នាំ ២០១៥មួយនេះ ត្រូវបានចាក់ផ្សាយជូនទស្សនានៅប្រទេសឥណ្ឌា លើកញ្ចក់ទូរទស្សន៍ "Colors TV” ។ រឿងនេះមានការចូលរួមសម្ដែងពីសំណាក់ តារាសម្ដែងល្បីៗជាច្រើនរូប រួមមាន៖ នាង Mouni Roy, លោក Arjun Bijlani នាង Adaa Khan និងអ្នកស្រី Sudha Chandran ព្រមជាមួយតារាសម្ដែងចាស់ក្មេងជាច្រើនរូបទៀត។

នៅក្នុងរឿងនេះ ទស្សនិកជនមានការចាប់អារម្មណ៍ខ្លាំងលើតួឯកស្រី ដែលសម្ដែងជាពស់ ដោយសារសម្រស់ដ៏ស្រស់ស្អាត និងទេពកោសល្យសម្ដែង ទាំងស្លូត និងកាចគឺនាងបានបង្ហាញយ៉ាងស័ក្ដិសម។

Mouni Roy ជាឈ្មោះពិតរបស់តួស្រី ស៊ីវ៉ាន់យ៉ា (Shivanya) កើតនៅថ្ងៃ ២៨ ខែកញ្ញា ឆ្នាំ ១៩៨៥ នៅរដ្ឋ West Bengal ប្រទេសឥណ្ឌា។ ក្រៅពីតារាសម្ដែង នាងក៏ជាតារាបង្ហាញម៉ូដម្នាក់ផងដែរ។

នាងប្រឡូកក្នុងអាជីពសម្ដែង កាលពីឆ្នាំ ២០០៧ ក្នុងរឿង "Kyunki Saas Bhi Kabhi Bahu Thi” របស់អ្នកដឹកនាំរឿង Ekta Kapoor ហើយក៏បានថតរឿងជាច្រើន ជាបន្តបន្ទាប់ចាប់ពីពេលនោះផងដែរ។

ដោយឡែកនៅក្នុងឆ្នាំ ២០១៤ នាងបានចូលរួមក្នុងកម្មវិធីរាំ “Jhalak Dikhhla Jaa” របស់ទូរទស្សន៍ Colors នៅរដូវកាលទី ១៧ ជាមួយតារាសម្ដែង Punit Pathak។

នៅក្នុងឆ្នាំ ២០១៥ នាងក៏បានចាប់ផ្ដើមសហការជាមួយផលិតករ Ekta Kapoor សារជាថ្មីក្នុងរឿង "ប្រពន្ធពស់" ដែលកាន់តែធ្វើឲ្យនាង រឹតតែទទួលបានភាពល្បីល្បាញតាមរយៈទេពកោសល្យរបស់នាងមិនត្រឹមតែនៅប្រទេសឥណ្ឌាប៉ុណ្ណោះទេ៕

ប្រភព៖ Wikipedia ប្រែសម្រួល៖ យី សុធារី