មិនធ្លាប់មានទេ! ត្រាំ ហាមភ្ញៀវទេសចរបរទេស មិនឲ្យចូលសេតវិមាន
- 2017-03-10 01:52:02
- ចំនួនមតិ 0 | ចំនួនចែករំលែក 0
មិនធ្លាប់មានទេ! ត្រាំ ហាមភ្ញៀវទេសចរបរទេស មិនឲ្យចូលសេតវិមាន
ចន្លោះមិនឃើញ
រយៈពេលប៉ុន្មានថ្ងៃ បន្ទាប់ពីប្រធានាធិបតីអាមេរិកថ្មី លោក ដូណាល់ ត្រាំ បានបើកទ្វាសេតវិមានឡើងវិញ ដើម្បីឲ្យភ្ញៀវទេសចរចូលមើលកម្សាន្ត ភ្ញៀវទេសចរអង់គ្លេស និងបរទេសផ្សេងទៀត នៅក្នុងទីក្រុងវ៉ាស៊ីនតោន ត្រូវបានគេប្រាប់ថា ពួកគេមិនស្វាគមន៍ឲ្យចូលទៅលើផ្លូវ Pennsylvania Avenue ដែលតភ្ជាប់ពីសេតវិមាន ទៅកាន់ អគារ United State Capitol ឡើយ។
សេតវិមានបានបើកឲ្យភ្ញៀវទេសចរចូលមើលកម្សាន្តជាលើកដំបូង នៅក្នុងសប្ដាហ៍នេះ ចាប់តាំងពីលោក ត្រាំ ឡើងកាន់តំណែង ប៉ុន្តែភ្ញៀវទេសចរបរទេស ត្រូវបានគេប្រាប់ឲ្យទៅទាក់ទងស្ថានទូតរបស់ខ្លួន នៅក្នុងទីក្រុងវ៉ាស៊ីនតោន ដើម្បីស្នើសុំសិទ្ធចូលសេតវិមានទៅវិញ។ ផ្ទុយទៅវិញ ស្ថានទូតបរទេសមួយចំនួន បានឲ្យដឹងថា បុគ្គលដែលមិនមែនជាជនជាតិអាមេរិក បច្ចុប្បន្ននេះមិនត្រូវបានអនុញ្ញាតឲ្យចូលសេតវិមានឡើយ។
ពលរដ្ឋបរទេសដែលមិនត្រូវបានអនុញ្ញាតឲ្យចូលសេតវិមាន ក្នុងនោះរួមមានដូចជា អង់គ្លេស អូស្ត្រាលី កាណាដា និង ដាណឺម៉ាក ជាដើម។
ទោះបីជាយ៉ាងណា គេមិនទាន់ដឹងច្បាស់នៅឡើយទេថា វាគឺជាការហាមឃាត់ដោយចេតនា ឬគ្រាន់តែជាការផ្អាកមួយរយៈ ខណៈពេលដែលប្រព័ន្ធដំណើរការមួយចំនួននៅក្នុងសេតវិមាន កំពុងតែត្រូវគេរៀបចំ៕