ចេញតម្លៃ LG G6 នៅទីផ្សារអឺរ៉ុប ទាបជាងបន្តិច Galaxy S8
- 2017-03-14 02:11:38
- ចំនួនមតិ 0 | ចំនួនចែករំលែក 0
ចេញតម្លៃ LG G6 នៅទីផ្សារអឺរ៉ុប ទាបជាងបន្តិច Galaxy S8
ចន្លោះមិនឃើញ
LG G6 រំពឹងថានឹងមានវត្តមានលើទីផ្សារអឺរ៉ុបបន្ទាប់ពីចេញលក់នៅលើទីផ្សារសហរដ្ឋអាមេរិករួច ដោយអាចនឹងលក់នៅទីផ្សារអឺរ៉ុបអំឡុងចុងខែមេសា។ ត្បិតថាមិនទាន់ដឹងកាលបរិច្ឆេទច្បាស់លាស់ប៉ុន្តែគេដឹងជាមុនថា G6 នឹងលក់ក្នុងតម្លៃប៉ុន្មាន។
MediaMarkt ដែលជាក្រុមហ៊ុនលក់រាយដ៏ធំមួយរបស់អាល្លឺម៉ង់បានចុះបញ្ជី LG G6 លើវិបសាយលក់របស់ខ្លួនដោយបានកំណត់នៅតម្លៃ ៧៤៩ អឺរ៉ូ (ប្រហែល ៧៩៨ ដុល្លារ) ដោយមានតែម៉ូដែលទំហំ 32 GB ប៉ុណ្ណោះ។ កាល G5 តម្លៃនៅទីផ្សារអឺរ៉ុបមានត្រឹម ៥៩៩ អឺរ៉ូ (ប្រហែល ៦៣៨ ដុល្លារ) ប៉ុណ្ណោះ។
យ៉ាងណាក្ដីបើតាមចចាមអារ៉ាមកន្លងមកឲ្យដឹងថាតម្លៃរបស់ Galaxy S8 លើទីផ្សារអឺរ៉ុបមានចាប់ពី ៧៩៩ អឺរ៉ូឡើងទៅ ដូចនេះមានន័យថា LG G6 មានតម្លៃទាបជាងបន្តិច។ ប៉ុន្តែ Galaxy S8 នឹងប្រើបន្ទះឈីប Snapdragon 835 ថ្មីជាងបន្ទះឈីប Snapdragon 821 របស់ G6៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
