MSX ឆ្នាំ ២០១៧ ចេញហើយមានប្រព័ន្ធហ្វ្រាំង ABS យ៉ាងអេម

2017-03-15 02:44:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនហុងដាបានបង្ហាញម៉ូតូ MSX ស៊េរីថ្មីឆ្នាំ ២០១៧ ដែលមានបន្ថែមចំណុចពិសេសៗមួយចំនួនកាន់តែអេមជាង MSX ស៊េរីមុន។

MSX 125SFស៊េរីថ្មីនេះមានចេញលក់ជា ៣ ប្រភេទរួមមានប្រភេទផលិតមានកំណត់ (The Ultimate Pink Limited Edition), ប្រភេទប្រើហ្វ្រាំង ABS រួមទាំងប្រភេទធម្មតា។ សម្រាប់ប្រភេទផលិតមានកំណត់ The Ultimate Pink Limited Edition មានការរចនារូបរាងខាងក្រៅពិសេសខុសពីគេដោយមានផ្នែកជាច្រើនរចនាដោយពណ៌ស្វាយរួមមានខ្ចៅ, ឈ្នាន់ និង ខ្មងកង់ជាដើម។

ចំណែកប្រភេទប្រើហ្វ្រាំង ABS វិញមានជម្រើសពណ៌ក្រហម និង ពណ៌ខ្មៅ ដែលមានការរចនាតែម SF លើតួខ្លួនម៉ូតូរាងស្អាតប្លែកខុសពីប្រភេទដទៃ។ ចំណុចពិសេសរបស់វាគឺនៅលើហ្វ្រាំង ABS ផ្ទាល់ដោយកន្លងមកម៉ូដែល MSX មិនធ្លាប់ប្រើហ្វ្រាំងនេះឡើយ។

ដោយឡែកសម្រាប់ប្រភេទធម្មតាវិញមានជម្រើសបួនពណ៌គឺមានពណ៌ខៀវ, ក្រហម, ស្វាយ និង ពណ៌បៃតងខ្ចី។ ការរចនារូបរាងរបស់ប្រភេទនេះហាក់មិនមានការខុសប្លែកពី MSX 125SF ឆ្នាំ ២០១៦ ប៉ុន្មានឡើយ។

សម្រាប់ទីផ្សារប្រទេសថៃប្រភេទផលិតមានកំណត់មានតម្លៃប្រមាណ ២ ៣២៥ ដុល្លារ, ប្រភេទប្រើហ្វ្រាំង ABS តម្លៃប្រមាណ ២ ២០០ ដុល្លារ និង ប្រភេទធម្មតាតម្លៃប្រមាណ ២ ០០០ ដុល្លារ៕

ប្រភព៖ APHonda ប្រែសម្រួល៖ សុខហេង