Milli និងក្រុមរបស់នាងឈ្មោះ Dreamgals ដែលជាតារាចម្រៀងរ៉េប និងជាតារាចម្រៀងលេចធ្លោរ នៅអាស៊ាននឹងមកសំដែងលើកទីមួយនៅកម្ពុជា ជាមួយក្រុម La Cima Cartel នៅចុងខែវិចិ្ឋកានេះ

ទីបំផុតការទន្ទឹងរង់ចាំរបស់អ្នកគាំទ្របានក្លាយជាការពិតហើយ !ដោយក្រុមចម្រៀងរ៉េបដ៏ល្បីប្រចាំប្រទេសកម្ពុជា La Cima Cartel បានប្រកាសធ្វើ Concert ជាលើកដំបូងរបស់ខ្លួន នៅថ្ងៃ៣០ ខែវិច្ឆិកា ឆ្នាំ ២០២៤ ខាងមុខនេះ ដោយមានវត្តមានភ្ញៀវពិសេស ជាសិល្បករជាតិ និង អន្តរជាតិចូលរួមផងដែរ។

អ្វីដែលធ្វើឱ្យកម្មវិធីនេះកាន់តែអស្ចារ្យនោះគឺ មីលី (Milli) សិល្បករស្រីដ៏ល្បីពីក្រុម Dreamgals ដែលមានសមាជិកដូចជា Milli , Flower.far និង GALCHANIE ជាក្រុមតារាចម្រៀងរ៉េបលំដាប់អាស៊ាន ត្រូវបានអញ្ជើញចូលរួមសម្ដែងជាពិសេស។ នេះគឺជាលើកដំបូងដែលក្រុមរបស់មីលីនឹងបង្ហាញវត្តមានលើឆាកតន្ត្រីនៅប្រទេសកម្ពុជា ដោយសង្ឃឹមថានឹងនាំមកជាមួយបទចម្រៀងប្រកបដោយភាពភ្ញាក់ផ្អើល និងការសម្ដែងដ៏លេចធ្លោរ។

Milli គឺជាសិល្បករមានទេពកោសល្យ ក្នុងវិស័យចម្រៀងសម័យថ្មី។ នាងមានឈ្មោះល្បីល្បាញក្នុងវិស័យរ៉េប និងបានបញ្ចេញបទចម្រៀងដែលមានឥទ្ធិពលចំពោះ សង្គមយុវវ័យបច្ចុប្បន្ន។ អ្នកគាំទ្ររង់ចាំយ៉ាងអន្ទះសារជាមួយការរំភើបដើម្បីបានឃើញការសម្ដែងដ៏អស្ចារ្យដែលនាំមកនូវចង្វាក់ និងអារម្មណ៍ដ៏ពិសេសដែលគេមិនធ្លាប់ឃើញពីមុនមក។

ជាមួយនឹងវត្តមានរបស់ La Cima Cartel និងសិល្បករពិសេសជាច្រើន មិនត្រឹមតែបង្ហាញស្នាដៃបែបថ្មីៗប៉ុណ្ណោះ គេនៅចង់ឃើញការស្និទ្ធស្នាលរបស់សិល្បករទាំងអស់ក្នុងកម្មវិធីនេះផងដែរ។ តើបន្ទាប់ពីព្រឹត្តការណ៍ Concert ដ៏ធំមួយនេះ ក្រុមតារាចម្រៀងរ៉េបខ្មែរអាចមានចម្រៀងដែល collaborate ជាមួយ Dreamgals ដែរ ឬ ទេ?

សម្រាប់ fan fan ទាំងអស់ ការទិញសំបុត្រឥឡូវនេះបានបើកហើយ តាមរយៈប្រព័ន្ធអនឡាញឬកន្លែងលក់សំបុត្រដែលបានកំណត់។ កុំឱ្យឱកាសនេះកន្លងផុត ដើម្បីរីករាយជាមួយការសម្ដែងដ៏អស្ចារ្យក្នុងកម្មវិធី «La Cima Cartel x Grab: Next Level»!