ឡួយ! សិល្បករ៩ផ្នែក រួមគ្នាសម្ដែងរបាំសហសម័យថ្មីមួយ ឲ្យមើល Free

2017-03-16 03:39:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ទស្សនីយភាព របាំសហសម័យថ្មីមួយសិល្បករវ័យក្មេង៩នាក់ដែលមានជំនាញផ្សេងៗគ្នា នឹងរួមគ្នាសម្ដែងក្នុងស្នាដៃរបាំសហសម័យថ្មីមួយ មានចំណងជើងថា “ក្ដីស្រមៃ” ។ ហើយកម្មវិធីនេះផ្ទាល់នឹងបើកឲ្យចូលទស្សនាដោយសេរីនៅសារមន្ទីរជាតិ ដែលរៀបចំឡើងដោយកញ្ញា ចំរើន សុភា។

TingTong-និមិត្ត ប្រាប់ឲ្យដឹងថា ចំណុចពិសេសនៃកម្មវិធីនេះគឺ មានការចូលរួមពីសិល្បករ និងតន្ត្រីផ្នែកផ្សេងៗគ្នាមកសម្ដែងលើឆាកតែមួយ។ ដែលអ្នកសម្ដែងទាំងនោះមានដូចជា ចំរើន សុភា អ្នកចម្រៀង និង របាំប្រពៃណី សហសម័យ (ម្ចាស់ស្នាដៃ ក្ដីស្រមៃ) , TingTong-និមិត្ត អ្នកចម្រៀងបុរាណ/សម័យ និង អ្នកនិពន្ធឯករាជ្យ, ចំរើន ដារ៉ា អ្នករបាំប្រពៃណី បុរាណ សហសម័យ, ចាប ស៊ីដណាល់ ល្ខោនខោល របាំប្រពៃណី សហសម័យ, លឺ ស៊ីវម៉េង របាំបុរាណ ប្រពៃណី សហសម័យ, ពេជ្រ រស្មី របាំបុរាណ ប្រពៃណី សហសម័យ, លឹម សុណាលីស, អ្នករបាំបុរាណ ប្រពៃណី សហសម័យ, ថុន ចាន់មុន្នី ស្គរ, ផុន ចំរើន ទ្រ និង ឧបករណ៍ ផ្លុំ។

TingTong-និមិត្ត

ក្នុងនោះលោក អ្នកចម្រៀងបុរាណ/សម័យ រូបនេះ លោកសុំសំណូមពរដល់ប្រិយមិត្តពិសេសយុវវ័យបានចូលរួមទស្សនា ព្រោះដើម្បីឲ្យដឹងថាអ្វីដែលខ្មែរយើងមាន។ លោកបន្តថា កន្លងមកក៏មានអ្នកគាំទ្រច្រើនដែរ តែភាគច្រើនសុទ្ធតែជាភ្ញៀវបរទេស ដូច្នេះចង់ឲ្យបងប្អូនខ្មែរមកទស្សនាឲ្យបានច្រើនកុះករ នាម៉ោង៦ល្ងាច នៅសារមន្ទីរជាតិដោយមិនគិតថ្លៃនោះទេ។