កម្ពុជានឹងទទួលបានរថភ្លើងដឹកអ្នកដំណើរពីថៃ៤គ្រឿង

2017-03-17 01:50:52
ចំនួនមតិ 0 | ចំនួនចែករំលែក 0

ចន្លោះមិនឃើញ

(ភ្នំពេញ) ៖ លោក លី បូរិន អនុរដ្ឋលេខាធិការក្រសួងសាធារណៈការនិងដឹកជញ្ជូន និងជាអ្នកនាំពាក្យបានឳ្យដឹងកាលពីថ្មីៗនេះថា រាជរដ្ឋាភិបាលថៃ នឹងឳ្យក្បាលរទេះភ្លើងមកកម្ពុជាចំនួន៤គ្រឿង។ ពិធីប្រគល់ ទទួលនឹងរៀបចំនៅព្រំដែន ប៉ោយប៉ែតរវាងមន្ត្រីក្រសួងសាធារណៈការនិងដឹកជញ្ជូនជាមួយ មន្ត្រីដឹកជញ្ជូនថៃ នាពេលឆាប់ៗមុខនេះ។

លោក បូរិន មិនបានបញ្ជាក់លំអិតថាតើក្បាលរថភ្លើងដែលថៃឳ្យនេះជាជំនួយឥតសំណង់ឬជាជំនួ យមានល័ក្ខខ័ណ្ឌ។ហើយក្បាលរថភ្លើងទាំង៤គ្រឿងនេះ ជារបស់ថ្មីស្រឡាងឬជារបស់ចាស់ដែលគេប្រើ ហើយកន្លងមក។មន្ត្រីរូបនេះបានបង្ហើបឳ្យដឹងថាទំនងជាក្បាលរថភ្លើងដែលបានប្រើរួចហើយ។

ក៏ប៉ុន្តែលោក ច័ន្ច សំឡេង អ្នកនាំពាក្យក្រសួងសាធារណៈការនិងដឹងជញ្ជូនបានប្រាប់ឳ្យដឹងនៅថ្ងៃ ទី១៦ខែ មីនា នេះថា តាមការបង្ហាញរូបភាពពីភាគីថៃ គឺវាមិនមែនជាក្បាលរថភ្លើងនោះទេ គឺជាប្រភេទទូរថភ្លើងមានម៉ាស៊ីនបញ្ជាបាន (AuToray)ជាប្រភេទរទេះភ្លើងដឹងអ្នកដំណើរ សំរាប់ដឹកជញ្ជូន អ្នកដំណើរឆ្លងកាត់ព្រំដែនតាមផ្លូវដែក រវាងប្រទេសទាំងពីរ កម្ពុជា-ថៃ ។

ដោយសារការកែលំអរជួសជុលកំណាត់ផ្លូវដែកកម្ពុជាពីប៉ោយប៉ែត មកភ្នំពេញមានភាពយឺតយ៉ាវ ពេកជាហេតុធ្វើជំនួយថៃផ្តល់ឳ្យយឺតដែរ មានន័យថា ផ្លូវដែកយើងពីភ្នំពេញ ដល់ប៉ោយប៉ែត ជួសជុលរួចពេលណាគេនឹងឳ្យយើងភ្លាម ។ នេះជាជំនួយឥតសំណង់ដែលថៃផ្តល់ឳ្យកម្ពុជា។

ទោះជាយ៉ាងណា លោក លី បូរិន បានអះអាងថា កំណាត់ផ្លូវដែក ពីប៉ោយប៉ែត មកភ្នំពេញ បាន កសាងកែលំអរបានជាកំណាត់ៗហើយដូចជាពី ប៉ោយប៉ែតមកដល់ខេត្ត បាត់ដំបង ជួសជុលរួចជាស្ថាពរ។ ឆ្នាំ២០១៧ នេះយើងបន្តជួសជុលពីខេត្ត បាត់ដំបង មកខេត្ត ពោធិសាត់ រួចរហូតដល់រាជធានីភ្នំពេញ។

ការជួសជុលកំណាត់ផ្លូវដែកនេះគឺអនុវត្តជំហ៊ានគីង្គក់ប្រើប្រាស់ថវិការរដ្ឋសុទ្ធសាធក្នុងកំរិត ២០លានដុល្លា ក្នុងមួយឆ្នាំ។ បើលុយធ្លាប់ពីក្រសួងសេដ្ឋកិច្ចនិងហិរញ្ញវត្ថុលឿន ការងារជួសជុលផ្លូវដែកក៏លឿនដែរ។ផ្លូវ ដែកនេះជួសជុលហើយ កំណត់ឳ្យការដឹកជញ្ជូនមិនឳ្យលើសទម្ងន់ពី១៥តោនឡើងនោះទេ។ហើយរថភ្លើង ក៏មិនឳ្យរថល្បឿនលើសពី ៣០ គីឡូម៉ែត្រក្នុងមួយម៉ោងដែរ ៕

ប្រភព៖ rasmeinews