បុរសកម្ពុជាម្នាក់ប្រកាសខ្លួនជាឪពុក Maddox និងចង់តវ៉ាជាមួយ Angelina
- 2017-03-20 03:35:37
- ចំនួនមតិ 0 | ចំនួនចែករំលែក 0
បុរសកម្ពុជាម្នាក់ប្រកាសខ្លួនជាឪពុក Maddox និងចង់តវ៉ាជាមួយ Angelina
ចន្លោះមិនឃើញ
បុរសកម្ពុជាម្នាក់ដែលជាបុគ្គលិកនៅអង្គការមួយកន្លែងក្នុងប្រទេសកម្ពុជាបាននិយាយថា លោកបានចុះហត្ថលេខាផ្លូវការក្នុងប្រទេសកម្ពុជា ក្នុងនាមលោកជាឪពុករបស់ Maddox បច្ចុប្បន្នកំពុងរស់នៅជាមួយតារាហូលីវូដ Angelina Jolie។
លោក Mounh Sarath អាយុ៥១ឆ្នាំនិយាយថា លោកនៅតែមានភាពឥទ្ធិពលក្នុងផ្លូវច្បាប់លើករណីរបស់ Maddox ហើយពេលនេះលោកកំពុងតវ៉ាជាមួយ Angelina។ លោកថា៖ "ខ្ញុំនឹងសប្បាយចិត្ត ប្រសិនប្រទេសកម្ពុជាមិនអាចឃើញ Angelina ម្ដងទៀត"។
លោក Mounh Sarath បានបង្ហាញសារព័ត៌មាន The Sun កាលពីថ្ងៃអាទិត្យនៃឯកសារសុំកូនជាមួយតុលាការខេត្តបាត់ដំបងកាលពីខែ សីហា ឆ្នាំ ២០០៣។ វាបានបញ្ជាក់ច្បាស់ថា តុលាការបានកាត់ថា លោក Sarath ជាឪពុករបស់ Maddox។ លោក Sarath បន្តថា៖ "ក្នុងឯកសាររបស់តុលាការ Maddox នៅតែជាកូនប្រុសរបស់ខ្ញុំ។ Angelina មិនដែលបញ្ជាក់រឿងនេះឲ្យច្បាស់ទេ"។
Angelina និងស្វាមីមុនតារាសម្ដែង Billy Bob Thornton មិនបានបំពេញបែបបទឲ្យពេញលេញក្នុងការសុំសិទ្ធិចិញ្ចឹម Maddox កាលពីឆ្នាំ២០០៣ឡើយ។ នេះបើតាម The Sun។ ប៉ុន្តែមិនទាន់មានអ្វីបង្ហាញថា Angelina ឬ Thornton បានដឹងពីរឿងលោក Sarath មានឯកសារសុំកូនជាមួយតុលាការខេត្តបាត់ដំបងយ៉ាងណាទេ។
លោក Mounh Sarath ដែលបានជួប Angelina Jolie នៅកម្មវិធីសប្បុរសធម៌មួយនិយាយទៀតថា៖ " Angelina បានប្ដូរឈ្មោះរបស់ Maddox។ ខ្ញុំនៅតែនិយាយថា Maddox ជាកូនប្រុសរបស់ខ្ញុំ"។
កាលគ្រាសុំ Maddox សហរដ្ឋអាមេរិក បានដាក់ការរឹតបន្តឹងយ៉ាងតឹងរ៉ឹងក្នុងការអនុម័តសុំកុមារពីប្រទេសកម្ពុជាដោយសារតែការភ័យខ្លាចការជួញដូរមនុស្ស។ ការសុំ Maddox ទៅចិញ្ចឹមនៅអាមេរិក គឺបានរៀបចំដោយមនុស្សម្នាក់ឈ្មោះ Lauryn Galindo ក្រោយមក គេក៏បានជាប់ពន្ធនាគារនៅអាមេរិក។ Lauryn ជាប់គុករយៈពេល១៨ខែ បន្ទាប់ពីក្លែងឈ្មោះ ថ្ងៃខែឆ្នាំកំណើត និងទីកន្លែងកំណើតរបស់ Maddox ដើម្បីជួយគេឲ្យបានរស់នៅជាមួយ Angelina៕