ឃីម ឌីម៉ា និយាយអ្វីខ្លះក្រោយវ៉ៃ កីឡាករថៃ សន្លប់ចេញក្អួតនៅទឹកទី៥

2017-03-20 05:02:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ចង់ដឹងអត់ថាអ្នកប្រដាល់ត្រកូល ឃីម រូបនេះនិយាយអ្វីខ្លះក្រោយផ្ដួលថៃឲ្យសន្លប់ កាលពីរសៀលថ្ងៃសៅរ៍ ទី១៨ ខែមិនា នេះ? ការប្រកួតរវាងជើងខ្លាំង ឃីម ឌីម៉ា និងអ្នកប្រដាល់ឆ្លងដែនមកពីថៃ ខុន ក្រុងថេប ជាការប្រកួតមួយដែលធ្វើឲ្យកក្រើកសង្វៀន និងជាការប្រកួតមួយដែលជក់ចិត្តបំផុត មានអ្នកទន្ទឹមចង់មើលការប្រកួតរវាងអ្នកទាំងពីរខ្លាំងណាស់ មិនថានៅសង្វៀនផ្ទាល់ឬនៅតាមគេហដ្ឋាននោះឡើយ។

ឃីម ឌីម៉ា ក្រហម ខុន ក្រុងថេប ខៀវ

ឃីម ឌីម៉ា ដែលជាទូទៅគេតែងហៅថា នាគខ្មៅ បានឲ្យដឹងក្រោយការប្រកួតនៅថ្ងៃសៅរ៍ ទី១៨ ខែមិនា ឆ្នាំ២០១៧នេះថា ខុន ក្រុងថេប ម្នាក់នេះពិតជាខ្លាំងមិនងាយនិងផ្ដួលនោះឡើយ។ កីឡាករឆ្លងដែនរូបនេះ ល្អទាត់និងពូកែបេះកែងទៀតផង ឬឯកម្ពស់ក៏ខ្ពស់និងកម្លាំងទៀតសោតក៏ខ្លាំងជាហេតុធ្វើឲ្យខ្លួនពិបាកខ្លាំងក្នុងការវ៉ៃ។

អ្នកប្រដាល់មកពីខេត្តបន្ទាយមានជ័យបន្ថែមទៀតថា ការយកឈ្នះលើកីឡាករ ក្រុងថេប នេះអាចចាត់ទុកថាជាការខំប្រឹងប្រែងនិងវ៉ៃដោយបច្ចេកទេសបំផុត និងមួយទៀតអាចថាមកពីការចៃដន្យមួយផងដែរ។ ឌីម៉ា ស្នៀតគេចាប់គន្លឹះបានលើកីឡាករថៃនោះគឺពេល ក្រុងថេប ទាត់មកត្រូវចាប់ជើងនិងវ៉ៃពោះ និងបុកជង្គង់តប់ទៅវិញ ហើយជើងខ្លាំងរបស់កម្ពុជាម្នាក់នេះគឺថាដៃគូរស្រុកកម្លាំងខ្លាំងពេលដែលត្រូវចូលរបស់ខ្លួន។

កីឡាករ ខុន ក្រុងថេប សន្លប់

ឃីម ឌីម៉ា ក្រហម ខុន ក្រុងថេប ខៀវ

កីឡាករថៃ ខុន ក្រុងថេប ប្រកួតលើកទី១ ផ្ដួល ផល សោភ័ណ្ឌ ឲ្យសន្លប់ទឹកទី១ ខណៈលើកទី២របស់គេនៅសង្វៀន អាស៊ីអាស៊ីគ្នេយ៍ត្រូវសន្លប់ក្នុងទឹកទី៥ ដោយសារ ឃីម ឌីម៉ា វិញម្ដង។ ឃីម ឌីម៉ា ជាបេក្ខភាពម្នាក់ត្រូវដណ្ដើមខ្សែក្រវាត់សង្វៀន CNC ទម្ងន់ ៦៣.៥គីឡូក្រាមរូបផងដែរហើយគេនិងត្រូវប្រកួតជុំទី១នៅថ្ងៃសៅរ៍នេះ៕

អត្ថបទ៖ នួន ស៊ីណា