គ្រូខេមបូឌានថាយហ្គឺ ខកបំណងក្រោយស្មើជាមួយណាហ្គាវើល
- 2017-03-20 08:51:38
- ចំនួនមតិ 0 | ចំនួនចែករំលែក 0
គ្រូខេមបូឌានថាយហ្គឺ ខកបំណងក្រោយស្មើជាមួយណាហ្គាវើល
ចន្លោះមិនឃើញ
គ្រូបង្គោលក្រុមបាល់ទាត់ Camodian Tiger សំដែងការខកចិត្តជាខ្លាំងបន្ទាប់កូនរបស់ខ្លួនប្រកួតបានត្រឹមស្មើជាមួយ ណាហ្គាលវើល កាលពីយប់ថ្ងៃអាទិត្យ ទី១៩ ខែមីនា ឆ្នាំ២០១៧នេះ។
លោក Kenichi Yatsuhashi បានឲ្យដឹងក្រោយចប់ការប្រកួតកាលពីថ្ងៃអាទិត្យរវាង Camodian Tiger និង ណាហ្គាវើលថា តាមការរំពឹងទុកមុនការប្រកួត លោកគិតថាកូនក្រុមរបស់លោកនឹងរកបាន៣ពិន្ទុ លើក្រុមមួយនេះតែចប់ការប្រកួតបានត្រឹមស្មើគ្នាប៉ុណ្ណោះ។ លទ្ធផលស្មើគ្នានេះគ្រូបង្វឹកដែលជាជនជាតិជប៉ុនម្នាក់នេះ ចាត់ទុកជាការខាត២ពិន្ទុសម្រាប់ក្រុមលោក។
គ្រូរូបនេះបានបន្ថែមទៀតថា សម្រាប់ការប្រកួតនេះ នៅវគ្គទី១ក្រុមទាំងពីរលេងប្រហាក់ប្រហែលគ្នា គឺមានឱកាសរៀងៗខ្លួន តែចូលដល់វគ្គទី២ ក្រោយលោកបានប្ដូរវិធីសាស្ត្រាមួយចំនួនក្រុមរបស់ធ្វើការគាបសង្កត់ជាខ្លាំងទៅលើក្រុមណាហ្គាវើល ហើយនៅជើងទី២ក្នុងដីរបស់ខ្លួនវិញ គ្រូមកពីជប៉ុនម្នាក់ថានឹងខំប្រឹងយកជ័យជន្នះឲ្យបាន។
Camodian Tiger បច្ចុប្បន្នក្រុមមួយនេះប្រកួតបាន ៥ដង ឈ្នះ១ ចាញ់១ និងស្មើ ៣ មាន៦ពិន្ទុ។ នៅសប្ដាហ៍ទី៦នៃពានរង្វាន់លីគកំពូលរបស់កម្ពុជា ក្រុមមួយនេះនឹងត្រូវទទួលភ្ញៀវភ្នំពេញក្រោន នៅកីឡដ្ឋានខេត្តសៀមរាប៕