លេងមិនខាត! គ្រាន់តែផុសរូបលើ Instagram ម្ដងបាន១៥ ០០០ដុល្លារ
- 2017-03-21 04:26:40
- ចំនួនមតិ 0 | ចំនួនចែករំលែក 0
លេងមិនខាត! គ្រាន់តែផុសរូបលើ Instagram ម្ដងបាន១៥ ០០០ដុល្លារ
ចន្លោះមិនឃើញ
ទើបតែវ័យ២២ឆ្នាំ តារាម៉ូដែល Sjana Earp មានអ្នកតាមដាន (Follow) លើបណ្ដាញសង្គម Instagram១,២លាននាក់ និងទទួលបានប្រាក់ជាច្រើនគ្រាន់តែបង្ហោះរូបលើបណ្ដាញសង្គមមួយនេះ។
Sjana បានចំណាយពេលដើម្បីទៅទីកន្លែងស្អាតៗជុំវិញពិភពលោកដើម្បីផ្ដិតយកទិដ្ឋភាពទាំងនោះ បង្ហោះចូល Instagram។ យ៉ាងណា តារាម៉ូដែលនិងជាអ្នកថតរូបដែលមកពីរដ្ឋ New South Wales ប្រទេសអូស្ត្រាលីម្នាក់នេះមិនដែលនឹងស្រមៃថា ខ្លួនអាចល្បីក្នុងបណ្ដាញសង្គមនិងរកលុយបានច្រើនពីវាបែបនេះទេ។
និយាយប្រាប់ Sydney Morning Herald ម៉ូដែល Sjana ដែលជាមនុស្សមានឥទ្ធិពលម្នាក់ក្នុងបណ្ដាញសង្គមអាចបានប្រាក់១៥ ០០០ដុល្លារសម្រាប់ការបង្ហោះរូបម្ដង។ ដំបូងឡើងនាងសឹងតែមិនជឿថាអាចរកចំណូលបានដោយបែបនេះ បន្ទាប់ពីមានភ្នាក់ងារម្នាក់មកទាក់ទងនាង។ ប្រាក់ដែលនាងទទួលបាន បានមកពីការថតផ្សព្វផ្សាយឲ្យផលិតផលផ្សេងៗដូចជា ខោអាវហាត់ប្រាណជាដើម៕