រូបភាពឡូយៗ ក្រោមក្រសែភ្នែកអ្នកគាំទ្រជាង៥ម៉ឺននាក់កម្ពុជាចាញ់ឥណ្ឌា
- 2017-03-23 01:59:18
- ចំនួនមតិ 0 | ចំនួនចែករំលែក 0
រូបភាពឡូយៗ ក្រោមក្រសែភ្នែកអ្នកគាំទ្រជាង៥ម៉ឺននាក់កម្ពុជាចាញ់ឥណ្ឌា
ចន្លោះមិនឃើញ
វាពិតជាពិសេសប្លែកគួរឲ្យចាប់អារម្មណ៍ដូចដែលលោកគ្រូបង្វឹកកម្ពុជា Leonado បានអះអាងមុនការប្រកួតមែនសម្រាប់ទម្រង់លេងរបស់ក្រុមបាល់ទាត់ជម្រើសជាតិកម្ពុជាកាលពីយប់មិញ បើទោះជាចាញ់ជម្រើសជាតិឥណ្ឌាដោយលទ្ធផលប្រផុតប្រផើយ ៣-២ ក្នុងការប្រកួតមិត្តភាពអន្តរជាតិ CLEAR។
គ្រាន់តែចាប់ផ្តើមវគ្គទី១ភ្លាម ក្រុមជម្រើសជាតិកម្ពុជាបានបង្ហាញទម្រង់លេងពិសេសប្លែកក្នុងនោះការលេងដោយបច្ចេកទេសមួយប៉ះ ការលេងបាល់ខ្លី និងហ៊ានបញ្ជូនបាល់ឲ្យសមាជិកក្នុងប្រលោះចង្អៀតទាំងមានទំនុកចិត្តខ្ពស់។។ ដោយមានអ្នកគាំទ្រប្រមាណជាង៤ម៉ឺននាក់នៅពហុកីឡដ្ឋានជាតិ ទម្រង់នេះបានធ្វើឲ្យកម្ពុជាមានឱកាសបញ្ជូនបាល់ចូលប្រអប់គ្រោះថ្នាក់របស់ឥណ្ឌា និងបានស៊ុតមួយលើកជាពីរលើកដូចជាការស៊ុតឡើងលើរបាទី ការស៊ុតដោយអ្នកចាំទីឥណ្ឌាសង្គ្រោះបានជាដើម។ យ៉ាងណាឥណ្ឌាបាននាំមុខ១-០ នៅនាទី៣៥ដោយកីឡាករ Sunil មុនពេលខ្សែប្រយុទ្ធ ឃួន ឡាបូរ៉ាវី អាចរកបានគ្រាប់បាល់តាម ស្មើ ១-១ មួយនាទីបន្ទាប់។ នៅដើមវគ្គទី២ ក្រុមកម្ពុជាហាក់ប្រមូលអារម្មណ៍មិនបានល្អដែលបណ្តាលឲ្យឥណ្ឌាបន្ថែម២គ្រាប់ទៀត តែតារាឆ្នើមកម្ពុជា ចាន់ វឌ្ឍនាកា បានបំប៉ោងសំណាញ់ដើម្បីតាមក្រោយ ៣-២ ដែលលទ្ធផលនេះរក្សារហូតចប់ការប្រកួត។
នេះជាការប្រកួតមិត្តភាពអន្តរជាតិ CLEAR លើកដំបូងប្រចាំឆ្នាំ២០១៧ដែលស្ថិតក្រោមការគ្រប់គ្រងដឹកនាំរបស់គ្រូបង្វឹកសញ្ជាតិប្រេស៊ីលLeonardo Vitorino ។ CLEAR តែងតែឧបត្ថម្ភគាំទ្រដល់ក្រុមជម្រើសជាតិកម្ពុជាដើម្បីរួមចំណែកអភិវឌ្ឍវិស័យបាល់ទាត់កម្ពុជា។ ខាងក្រោមជារូបភាពគួរឲ្យចាប់់អារម្មណ៍នៃការប្រកួត៕