សំដីរបស់គ្រូកម្ពុជាកាលពីយប់មិញរឹតតែធ្វើឲ្យអ្នកគាំទ្រពេញចិត្តខ្លាំង

2017-03-23 02:51:29
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Leonardo Vitorino គ្រូបង្វឹកក្រុមជម្រើសជាតិកម្ពុជាបានផ្ញើសារដល់អ្នកគាំទ្របាល់ទាត់ជម្រើសជាតិកម្ពុជាដ៏កក់ក្តៅក្នុងនាមលោកជាអ្នកដឹកនាំ បន្ទាប់ពីក្រុមកម្ពុជាចាញ់ឥណ្ឌា ៣-២យប់មិញ។

លោក Leonardo Vitorino

ក្រុមជម្រើសជាតិកម្ពុជាបានប្រកួតចាញ់ក្រុមជម្រើសជាតិឥណ្ឌា ៣-២ ក្នុងជំនួបមិត្តភាពអន្តរជាតិ CLEAR កាលពីយប់មិញនេះនៅពហុកីឡដ្ឋានជាតិ។ ក្រោយប្រកួតចប់គ្រូបង្វឹកកម្ពុជាមើលឃើញថា សមត្ថភាពក្រុមរបស់លោកមានភាពធ្លាក់ចុះក្នុងវគ្គទី២ ដែលមកពីបញ្ហាកម្លាំង។

គ្រូបង្វឹកសញ្ជាតិប្រេស៊ីល Leonardo បាននិយាយថា បញ្ហាកម្លាំងទាំងនោះលោកនឹងកែតម្រូវព្រមទាំងធ្វើយ៉ាងណារៀបចំទម្រង់លេងក្នុងក្រុមទាំងមូលខិតទៅចំណុចខ្លាំងមួយ។ សូមអ្នកគាំទ្រកុំបារម្ភចំពោះបរាជ័យកាលពីយប់មិញ ប៉ុន្តែនាពេលដ៏ខ្លីខាងមុខក្រុមជម្រើសជាតិកម្ពុជា នឹងបង្ហាញឲ្យអ្នកគាំទ្របានឃើញពីសមត្ថភាពរបស់ពួកគេរីកចំរើនពីថ្ងៃទៅមួយថ្ងៃ។

អ្នកគាំទ្រកាលពីយប់មិញ

ក្រុមជម្រើសជាតិកម្ពុជា ត្រូវចេញដំណើរទៅប្រទេស ហ្សកដានី នាម៉ោង ១០:៣០នាទីព្រឹកថ្ងៃទី២៣ ខែមីនា ឆ្នាំ២០១៧នេះ ដើម្បីចូលរួមប្រកួតវគ្គជម្រុះ AFC Asian Cup 2019 នាថ្ងៃទី២៨ ខែមីនា ឆ្នាំ២០១៧ នៅទឹកដីហ្សកដានី។

ក្រុមហ៊ុន CLEAR តែងតែជួយឧបត្ថម្ភគាំទ្រក្រុមបាល់ទាត់ជម្រើសជាតិកម្ពុជា ជាក់ស្ដែងកាលពីឆ្នាំកន្លងទៅក្រុមហ៊ុនមួយនេះបានជួយឧបត្ថម្ភទឹកប្រាក់ចំនួន ២០លានរៀលដល់ក្រុមជម្រើសជាតិកម្ពុជា៕