សាឡាង Sewol របស់កូរ៉េខាងត្បូង ត្រូវបានស្រង់ឡើងហើយក្រោយលិចជិត៣ឆ្នាំ
- 2017-03-23 05:17:33
- ចំនួនមតិ 0 | ចំនួនចែករំលែក 0
សាឡាង Sewol របស់កូរ៉េខាងត្បូង ត្រូវបានស្រង់ឡើងហើយក្រោយលិចជិត៣ឆ្នាំ
ចន្លោះមិនឃើញ
សាឡាងសេវ៉ល (Sewol) របស់ប្រទេសកូរ៉េខាងត្បូង ដែលលិចទៅក្រោមសមុទ្ររយៈពេល ១០៧២ថ្ងៃ ត្រូវបានគេស្រង់ឡើងមកលើផ្ទៃទឹកវិញហើយនៅព្រឹកថ្ងៃព្រហស្បតិ៍ទី ២៣មិនា ឆ្នាំ ២០១៧។
ឧបទ្ទវហេតុនេះ បានស្លាប់ និងបាត់ខ្លួនអ្នកដំណើរជាង ៣០០នាក់ ហើយត្រូវគេចាត់ទុកជាគ្រោះថ្នាក់ដ៏អាក្រក់បំផុតមួយក្នុងប្រទេស។ បើតាមការបញ្ជាក់របស់មន្ត្រីរដ្ឋាភិបាលថា សាឡាងបានស្រង់ឡើងឲ្យឃើញលើផ្ទៃទឹកនាវេលាម៉ោង ៣៖៤៥នាទីព្រឹក ជាមួយទូកជួយសង្គ្រោះធំៗចំនួន២។
ទូកដ៏ធំទាំងនេះ បានលើកបង្ហើបសាឡាងដែលមានប្រវែង ១៤៥ម៉ែត្រ និងទម្ងន់ ៦៨២៥តោន ពីជម្រៅទឹក៤០ម៉ែត្រនៅឆ្នេរភាគនិរតីប្រទេស ក្បែរកោះជីនដូ។
ប្រភពពីមន្ត្រីខាងក្រសួងនេសាទសមុទ្រអះអាងថា "សំណង់របស់សាឡាងមួយផ្នែកធំនៅរឹងមាំល្អ។" គេនឹងត្រូវការពេល៨ថ្ងៃដើម្បីលើកវាឲ្យផ្ងារឡើង រួចនាំទៅកាន់កំពង់ផែ Mokpo។
គួររម្លឹកថា សាឡាងសេវ៉ល បានលិចដោយសារភ្លើងឆេះនៅខែមេសាឆ្នាំ ២០១៤ និងស្លាប់មនុស្សជាង ៣០០នាក់ បាត់ខ្លួន ៩នាក់ ភាគច្រើនជាសិស្សវិទ្យាល័យដែលជិះកម្សាន្តរបស់កម្មវិធីសាលា។
គម្រោងស្រង់សាឡាងខាងលើ មានទំហំទឹកប្រាក់ ៧២លានដុល្លារ និងធ្វើឡើងដោយក្រុមហ៊ុនចិនមួយដឹកនាំដោយក្រុមសង្គ្រោះរដ្ឋចិន Shanghai Salvage ៕