G-Devith ត្រៀមអង្រួន១បទទៀតជាមួយ ទេព បូព្រឹក្ស(វីដេអូ)

2017-03-24 07:26:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះ G-Devith និង ទេព បូព្រឹក្ស បានចេញចម្រៀងសម្រាប់រាំសប្បាយថ្ងៃចូលឆ្នាំថ្មីគឺបទ "បានបងធ្វើប្ដីស្រីរស់ស្រួល" ដោយទទួលបានការចាប់អារម្មណ៍យ៉ាងច្រើនពីអ្នកគាំទ្រ តែយ៉ាងណាមិញ ដេវីត បញ្ជាក់ថាពួកគេនឹងមានចម្រៀងរួមគ្នា១បទទៀត។

ម្ចាស់បទ "រាំបាំបាំ" លើកឡើងថាបន្ទាប់ពីមានការចាប់អារម្មណ៍ច្រើនបន្ទាប់ពីខ្លួននិង បូព្រឹក្ស បានសហការជាមួយគ្នាលើកដំបូងក្នុងបទ "បានបងធ្វើប្ដីស្រីរស់ស្រួល" ដោយទទួលបានការចាប់អារម្មណ៍ច្រើនពីអ្នកគាំទ្រ ដោយលទ្ធផលនេះហើយគេទាំង២នាក់នឹងត្រៀមបទថ្មី១បទទៀតសម្រាប់អ្នកគាំទ្ររបស់អ្នកទាំង២គឺបទ "គីឡូរាំធុងបាស" ដែលត្រៀមចេញក្នុងពេលឆាប់ៗខាងមុខនេះហើយ សម្រាប់រាំលេងក្នុងឱកាសចូលឆ្នាំថ្មី។

ដេវីត បន្ថែមទៀតថា គេសង្ឃឹមថាអ្នកគាំទ្រទាំងអស់នឹងបើកចិត្តគាំទ្រការសហការជាមួយដៃគូរថ្មីរបស់លោកគឺ ទេព បូព្រឹក្ស ជាពិសេសគាំទ្របទ "បានបងធ្វើប្ដីស្រីរស់ស្រួល" និង "គីឡូរាំធុងបាស" នេះផ្ទាល់តែម្ដង៕

អត្ថបទ៖ Samedy