ម្ចាស់ផ្ទះស្ទឹងត្រែងឈ្នះមេដាយច្រើនជាងគេក្នុងពិធីបុណ្យទន្លេលើប្រភេទកីឡាវាយសី
- 2017-03-26 03:12:43
- ចំនួនមតិ 0 | ចំនួនចែករំលែក 0
ម្ចាស់ផ្ទះស្ទឹងត្រែងឈ្នះមេដាយច្រើនជាងគេក្នុងពិធីបុណ្យទន្លេលើប្រភេទកីឡាវាយសី
ចន្លោះមិនឃើញ
ក្រោយបញ្ចប់ការប្រកួតដ៏ស្វិតស្វាញអស់រយៈពេល១ថ្ងៃកន្លះទៅ ឃើញថាកីឡាករវាយសីរបស់ខេត្តស្ទឹងត្រែងឈ្នះមេដាយច្រើនជាងនៅក្នុងពិធីបុណ្យទន្លេឆ្នាំ២០១៧នៅស្ទឹងត្រែងនេះ។
បើតាមការឲ្យដឹងពីគណៈកម្មាធិការរៀបចំការប្រកួត សម្រាប់អ្នកឈ្នះបានមេដាយច្រើនជាងគេក្នុងពិធីបុណ្យនេះទី១ គឺកីឡាករម្ចាស់ផ្ទះខេត្តស្ទឹងត្រែង មាស៤ ប្រាក់៨ សំរឹទ្ធ៦ សរុប១៨មេដាយ ចំណែកលេខ២ គឺកីឡាករមកពីក្រសួងមហាផ្ទៃឈ្នះបាន មាស៤ និងសំរិទ្ធ២ សរុប៦មេដាយ និងលេខ៣ បានទៅកីឡាករមកពីខេត្តរតនគីរីឈ្នះបាន សំរឹទ្ធ២តែប៉ុណ្ណោះ។ លោក ជា ប៊ុនហេង ប្រធានអង្គភាពកីឡាក្រសួងមហាផ្ទៃ បានឲ្យដឹងកាលពីរសៀលថ្ងៃសុក្រ ទី២៤ ខែមីនា ឆ្នាំ២០១៧នេះថា ដើម្បីរួមចំណែកក្នុងការអបអរពិធីបុណ្យទន្លេលើកទី៣នេះ អង្គភាពកីឡាក្រសួងមហាផ្ទៃ បានលើកកម្មវិធីប្រកួតវាយសីមិត្តភាពនគរបាលជាតិប្រចាំឆ្នាំធ្វើនាពេលនេះតែម្ដង។
កីឡាករដែលបានមកចូលរួមកន្លងទៅនេះមានដូចជា តំណាងខាងខេត្តស្ទឹងត្រែងជាម្ចាស់ផ្ទះ តំណាងខេត្តរតនគីរី និងកីឡាករមកពីក្រសួងមហាផ្ទៃ ដែលត្រូវជា១២ក្រុម សរុបកីឡាករទាំងអស់មានចំនួន ៦០នាក់ និងចែកចេញជា៤វិញ្ញាសា រួមមានទី១ វិញ្ញាសា វ័យ៣០ឆ្នាំ, វ័យ៤០ឆ្នាំ, វ័យ៥០ឆ្នាំ និងវ័យ៦០ឆ្នាំ៕