Ozil ចេញមកបញ្ជាក់ រឿងអនាគតជាមួយក្លឹប Arsenal
- 2017-03-27 02:04:05
- ចំនួនមតិ 0 | ចំនួនចែករំលែក 0
Ozil ចេញមកបញ្ជាក់ រឿងអនាគតជាមួយក្លឹប Arsenal
ចន្លោះមិនឃើញ
ខ្សែបម្រើ Mesut Ozil បានចេញមកបញ្ជាក់ថា រូបគេរីករាយជាមួយក្លឹប Arsenal ហើយនឹងចរចាជាមួយម្ចាស់ក្លឹបកាំភ្លើងធំលើកុងត្រាថ្មី នៅកីឡដ្ឋាន Emirates នាពេលឆាប់ៗខាងមុខ។
កីឡាករជម្រើសជាតិអាល្លឺម៉ង់ វ័យ២៨ឆ្នាំ ត្រូវបានគេរាយការណ៍ថា អាចនឹងចាកចេញពី Arsenal នៅចប់រដូវកាលនេះ បន្ទាប់ពីខកចិត្តដោយសារក្រុមកាំភ្លើងធំចាញ់ Bayern Munich ធ្លាក់ចេញពី UEFA Champions League និងកំពុងឈរនៅលេខ៦ ធ្លាក់ពីតំណែងកំពូលតារាងទាំង៤ នៅ Premier League ទៀត។
“ខ្ញុំនៅជាប់កុងត្រាជាមួយ Arsenal ដល់ឆ្នាំ២០១៨ ហើយខ្ញុំមានអារម្មណ៍កក់ក្ដៅក្នុងចិត្តណាស់។ យើងនឹងពិភាក្សាគ្នាឆាប់ៗ ហើយបន្ទាប់មកនឹងសម្រេចចិត្ត។ ប្រាកដណាស់ ពេលនេះយើងកំពុងជួបពេលដ៏លំបាក ហើយយើងមិនពេញចិត្តចំណាត់ថ្នាក់លេខ៦នោះទេ។ ខ្ញុំជឿថា យើងនឹងបាន Top 4 ឆាប់ៗ”។ Ozil បានប្រាប់ដល់ Die Welt អំឡុងពេលហ្វឹកហាត់ ជាមួយក្រុមជម្រើសជាតិអាល្លឺម៉ង់៕