បង្ហាញខ្លួនសម្ពោធរឿងថ្មី នាយ ចឺម ប្រាប់ថា ឡើងតម្លៃខ្លួនកបហ្មងឆ្នាំ២០១៧នេះ
- 2017-03-28 03:17:52
- ចំនួនមតិ 0 | ចំនួនចែករំលែក 0
បង្ហាញខ្លួនសម្ពោធរឿងថ្មី នាយ ចឺម ប្រាប់ថា ឡើងតម្លៃខ្លួនកបហ្មងឆ្នាំ២០១៧នេះ
ចន្លោះមិនឃើញ
នាយ ចឺម បានប្រាប់ Sabay ថានៅឆ្នាំ២០១៧នេះតម្លៃខ្លួនរបស់លោកឡើងខ្ពស់ជាងឆ្នាំ២០១៦។តម្លៃខ្លួននេះឡើងទៅតាមទីផ្សារភាពយន្តតែប៉ុណ្ណោះ។
តួអង្គក្នុងរឿង "លត់ដែកថែប" បានរៀបរាប់ថា កាលពីឆ្នាំ ២០១៦ ក្នុងមួយរឿងលោកទទួលបានតម្លៃខ្លួន៤០០០ ដុល្លារតែប៉ុណ្ណោះ ដោយឡែកសម្រាប់ឆ្នាំ២០១៧នេះក្នុង១រឿងខ្ញុំស៊ីថ្លៃ៥០០០ដុល្លារ។ "បើថតគិតជាថ្ងៃវិញក្នុងមួយថ្ងៃខ្ញុំទទួលបានតម្លៃខ្លួន៤០០ដុល្លារតម្លៃហ្នឹងកាលពីឆ្នាំ២០១៦បង តែក្នុងឆ្នាំ២០១៧នេះក្នុងមួយថ្ងៃខ្ញុំទទួលបានតម្លៃខ្លួន៥០០ដុល្លារ"។
ការលើកឡើងរបស់នាយ ចឺម គឺធ្វើឡើងក្នុងពិធីសម្ពោធរឿង "លត់ដែកថែប" របស់ផលិតកម្ម Eye Love Filmកាលពីម្សិលមិញនៅផ្សារទំនើប AEON ។ លោក សុខ ដែន ជាតួអង្គឯក និងជាអ្នកដឹកនាំសម្ដែងបានមានប្រសាសន៍ថា រឿង "លត់ដែកថែប" ជារឿងទី៣ របស់ផលិតកម្ម Eye Love Film ដោយចំណាយដើមទុនអស់ជាង៣ម៉ឺនដុល្លារក្នុងការផលិត។ "បាទរឿងនេះដែរជាប្រភេទខ្សែភាពយន្តវាយប្រហារលាយលំជាមួយឈុតឆាកកំប្លែងសើចតាំងពីដើមរហូតដល់ចប់"។
រឿង "លត់ដែកថែប" ចូលរួមសម្ដែងដោយ លោក សុខ ដែន កញ្ញា វ៉ាន់ នីឡា នាយ ចឺម និងតារាសម្ដែងប្រុសស្រីជាច្រើនរូបទៀត។ រឿងនេះដែរនឹងចាបដើមចាកបញ្ចាំងនៅគ្រប់រោងភាពយន្តទំនើបៗក្នុងរាជធានីភ្នំពេញ និងនៅខេត្តសៀមរាបចាប់ពីថ្ងៃទី ៣០ ខែ មីនា ឆ្នាំ២០១៧ នេះតទៅហើយ៕