ព្រះអង្គម្ចាស់ អម្រិតទីវង់ដឹកនាំក្រុមបាសាក់អន់បំផុតដល់វគ្គ១/៤ពាន KRE League

2017-04-03 02:12:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែរាជវង្សអង្គម្ចាស់ អម្រិតទីវង់ ជាអ្នកដឹកនាំក្រុមបាល់ទាត់មិនអាជីពបាសាក់ជាច្រើនឆ្នាំហើយ និងសង្ឃឹមយ៉ាងហោចណាស់ឈានដល់វគ្គ១/៤នៃពានរង្វាន់ Khmer Real Estate League បន្ទាប់ពីពានរង្វាន់មួយនេះឆ្លងផុតសប្តាហ៍ទី៣។

ព្រះអម្ចាស់ អម្រិតទីវង់

បន្ទាប់ពីចប់ការប្រកួតកាលពីរសៀលថ្ងៃអាទិត្យម្សិលមិញ អង្គម្ចាស់ អម្រិតទីវង់ ដែលជាអតីតកីឡាករបាល់ទាត់ជម្រើសជាតិកម្ពុជាមានបន្ទូលថា ក្នុងនាមព្រះអម្ចាស់ជាអ្នកដឹកនាំក្រុម និងជាប្រធានក្រុមសង្ឃឹមថា ក្រុមបាសាក់អន់បំផុតនឹងឈានដល់វគ្គ៨ក្រុមចុងក្រោយ ឬ១/៤នៃពានរង្វាន់ KRE League 2017។ ការសង្ឃឹមនេះដោយសារតែបាសាក់ជាក្រុមដែលមានបទពិសោធន៍ច្រើនឆ្នាំនៅលើទីលាន កីឡាករមានបទពិសោធន៍ច្រើន និងធ្លាប់លេងជាមួយគ្នាយូរហើយឆ្នាំហើយ បើទោះជាក្រុមរបស់អម្ចាស់មិនមានកីឡាករអាជីពក៏ដោយ។

ពាក់ព័ន្ធនឹងកីឡាករអាជីពដែលត្រូវបានកំណត់ឲ្យចូលលេងពានរង្វាន់នេះសម្រាប់ក្រុមនីមួយៗមាន៣នាក់ អង្គម្ចាស់ដែលធ្លាប់លេងជម្រើសជាតិជាមួយគ្រូ ប្រាក់ សុវណ្ណារ៉ា លើកឡើងថា តាមគំនិតរបស់អង្គម្ចាស់គឺមិនគួរឲ្យកីឡាករអាជីពដែលលេងលីគកំពូលកម្ពុជាបច្ចុប្បន្នចូលលេងពានរង្វាន់ KRE នេះទេ ពីព្រោះវាធ្វើឲ្យប៉ះពាល់កម្រិតគុណភាពកីឡាករដែលពាក់ព័ន្ធនឹងបទបញ្ជា វិន័យ ច្បាប់ ទម្លាប់ជាដើមរវាងកីឡាករផ្ទាល់ជាមួយនឹងក្លឹបលីគកំពូល។

ម្យ៉ាងទៀត កីឡាករកម្រិតអាជីពពីរឬបីនាក់ក៏មិនសំខាន់អ្វីច្រើនសម្រាប់ក្រុមដែលលេងពាន KRE នេះ ពីព្រោះការលេងត្រូវការសហការគ្នាជាក្រុម។ ផ្ទុយទៅវិញ អង្គម្ចាស់បញ្ជាក់ថា ពានរង្វាន់ពាក់កណ្តាលអាជីពមួយនេះជាកន្លែងសម្រាប់យុវជនដែលមានទេពកោសល្យបាល់ទាត់បានអភិវឌ្ឍខ្លួនឈានឆ្ពោះទៅលេងកម្រិតអាជីពបាន។ អង្គម្ចាស់ទម្លាយឲ្យដឹងថា ចាប់តាំងពីក្រុមបាសាក់បង្កើតឡើងប្រហែលជា៨ឆ្នាំកន្លងទៅនេះ កីឡាករមិនអាជីពពីក្រុមរបស់អង្គម្ចាស់បានអភិវឌ្ឍខ្លួនឈានទៅលេងក្លឹបនៅលីគកំពូលកម្ពុជាមួយចំនួនហើយ។

ក្រុមបាសាក់ឆ្លងកាត់៣ប្រកួតក្នុងវគ្គសន្សំពិន្ទុនៃពានរង្វាន់ KRE League 2017 នេះ ទទួលបានជយជ្នះ១ ស្មើ១ និងបរាជ័យ១។

ក្រុម Khmer Unted

សម្រាប់ការប្រកួតសប្តាហ៍ទី៣បានតែ៦គូប៉ុណ្ណោះ ពីព្រោះ២គូដែលត្រូវលេងនៅថ្ងៃសៅរ៍ត្រូវបានលើកពេលវិញ ពីព្រោះភ្លៀងជោកជាំដីដែលមិនអាចប្រកួតបាន។ លទ្ធផលសប្តាហ៍ទី៣