សេអ៊ូល សម្ពោធសណ្ឋាគារផ្កាយ៧ ខ្ពស់បំផុតលំដាប់ទី៥ បាញ់កាំជ្រួចភ្លឺចាំងពេញផ្ទៃមេឃ

2017-04-03 03:09:44
ចំនួនមតិ 0 | ចំនួនចែករំលែក 0

ចន្លោះមិនឃើញ

អគារខ្ពស់ជាងគេបង្អស់ លំដាប់ទី៥ នៅលើពិភពលោក ត្រូវបានបើកសម្ភោធជាផ្លូវការ នៅក្នុងប្រទេសកូរ៉េខាងត្បូង អបដោយការបាញ់កាំជ្រួចអបអរដ៏អស្ចារ្យ កម្របានឃើញបំផុត។

អគារ Lotte World Tower

អគារមានឈ្មោះថា «Lotte World Tower» ស្ថិតនៅក្នុងទីក្រុងសេអ៊ូលនេះ មានរហូតដល់ទៅ១២៣ជាន់ និងកម្ពស់ ៥៥៤ម៉ែត្រ មានទីតាំងនៅក្បែរច្រាំងទន្លេ Han។

អគារកញ្ចក់ដ៏ខ្ពស់ស្កឹមស្កៃនេះ ត្រូវបានបំផុសគំនិតរចនាតាមបែបកូរ៉េ ដោយប្រើប្រាស់សេរ៉ាមិច ហើយនៅក្នុងអគារនោះ មានរួមបញ្ចូលទាំងសណ្ឋាគារផ្កាយ៧ កន្លែងមើលទេសភាព និង ហាងកាហ្វេនៅលើដំបូល ផងដែរ។ ស្ថាបត្យករមានគោលបំណង មិនចង់ឲ្យអគារមួយនេះ ប៉ះពាល់ដល់បរិស្ថានឡើយ (Eco-Friendly) ដោយបានប្រើប្រាស់ ផ្ទាំងសូឡា រហាត់ខ្យល់ និង ប្រព័ន្ធប្រមូលផលទឹក ទៀតផង។

គួរបញ្ជាក់ថា អគារ «Lotte World Tower» មានកម្ពស់ខ្ពស់ជាង អគារ «One World Trade Centre» នៅក្នុងទីក្រុង New York City (ខ្ពស់បំផុតលំដាប់ទី៦ នៅលើពិភពលោក) តែ១៧ម៉ែត្រប៉ុណ្ណោះ ខណៈអគារ «Burj Khalifa» មានកម្ពស់៨២៨ម៉ែត្រ ស្ថិតនៅក្នុងទីក្រុង Dubai ដែលបានសាងសង់ឡើងក្នុងឆ្នាំ២០១០ នៅតែឈរលើកំពូលតារាង ខ្ពស់ជាងគេបំផុតលើពិភពលោក៕