សឿត បារាំង៖ បើខ្ញុំលេងបានពាក់កណ្ដាល Marcelo ក៏អស់ចិត្តដែរ

2017-04-03 06:41:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែការពារស្លាបឆ្វេងរបស់ក្លឹបភ្នពេញក្រោន សឿត បារាំង ធ្លាប់បានបង្ហើបថា Marcelo ជានិមិត្តរូបរបស់ខ្លួន ប៉ុន្តែរូបគេមានក្ដីស្រមៃថា បើអាចលេងបានត្រឹមពាក់កណ្ដាលខ្សែការពារជម្រើសជាតិ ប្រេស៊ីលរូបនេះក៏អស់ចិត្តដែរ។

សឿត បារាំង បានបង្ហាញទម្រង់លេងយ៉ាងល្អក្នុងការជួយក្រុមជម្រើសជាតិកម្ពុជាតទល់ជាមួយ ឥណ្ឌា ចាញ់៣-២ និងបានបង្ហាញខ្លួនឲ្យក្រុមជម្រើសជាតិកម្ពុជាពេលប្រកួតជាមួយហ្សកដានី ដែលបានបរាជ័យ ៧-០។

សឿត បារាំង

ខ្សែការពាររបស់ក្រុមជម្រើសជាតិកម្ពុជារូបនេះដឹងថា មូលហេតុដែលយក Marcelo ជានិមិត្តរូបដោយសារចលនាឡើងចុះជួយតំបន់ប្រយុទ្ធរបស់កីឡាកររូបនេះលឿន ដូចចិត្តដែលខ្លួនស្រលាញ់។ ម៉ាងទៀតទាំងបច្ចេកទេសគ្រប់គ្រងបាល់ និងកម្លាំងរបស់ខ្សែការពារជម្រើសជាតិប្រេស៊ីលរូបនេះពិតជាល្អ ដែលធ្វើឲ្យ បារាំង ពេញចិត្តខ្លាំងបំផុត។

ខ្សែការពារវ័យ១៨ឆ្នាំរូបនេះបន្ថែមថា ដោយមើលឃើញចំណុចល្អរបស់ Marcelo ច្រើនពេក បានធ្វើឲ្យគេមានក្ដីស្រមៃថា អាចលេងបានត្រឹមពាក់កណ្ដាលខ្សែការពាររបស់ Real Madrid រូបនេះក៏អស់ចិត្តដែរ។ ចំណែកការទទួលឱកាសជាប់ជម្រើសជាតិកម្ពុជា បារាំង បញ្ជាក់ថា នឹងមិនបន្ថយការខំប្រឹងប្រែងរបស់ខ្លួនឡើយ ដើម្បីរក្សាតំណែងមួយនេះ។