កម្មវិធីតេស្ត CPU iPhone ដ៏ល្បីអាចដំឡើងបានអត់អស់លុយ

2017-04-05 02:54:55
ចំនួនមតិ 0 | ចំនួនចែករំលែក 0

ចន្លោះមិនឃើញ

និយាយដល់ Geekbench អ្នកប្រើប្រាស់មួយចំនួនច្បាស់ជាស្គាល់ហើយថាវាជាកម្មវិធីប្រើសម្រាប់តេស្ត CPU របស់ឧបករណ៍ iDevice (iPhone, iPad, iPod) ដ៏ល្បីមួយ។ អ្វីដែលអស្ចារ្យគឺកម្មវិធីដែលធ្លាប់តែមានតម្លៃ ០,៩៩ ដុល្លារនេះបានដាក់ឲ្យទាញយកឥតគិតថ្លៃត្រឹមថ្ងៃទី ១០ ខែមេសា ដើម្បីអបអរសាទរការបញ្ចេញកំណែទម្រង់ថ្មី។

កម្មវិធីនេះអាចប្រើដើម្បីមើលលក្ខណៈសម្បត្តិទូរសព្ទមានដូចជា ម៉ូដែល, ប្រព័ន្ធប្រតិបត្តិការ, Processor និង មេមូរី។ មុខងារពិសេសរបស់វាគឺការតេស្តសមត្ថភាព CPU របស់ទូរសព្ទ (Benchmark) ដោយដំណើរការតេស្តងាយស្រួលបំផុត ពោលគ្រាន់តែចុចបើកកម្មវិធីរួចចុចលើពាក្យ CPU Benchmark រួចចុចលើពាក្យ Run Benchmark បន្ទាប់មករង់ចាំមួយសន្ទុះដើម្បីឲ្យកម្មវិធីដំណើរការ។

ពេលដំណើរការចប់សព្វគ្រប់វានឹងចេញជាលទ្ធផលដោយបង្ហាញជាពិន្ទុឲ្យបានឃើញ។ ពិន្ទុកាន់តែខ្ពស់មានន័យថា CPU មានសមត្ថភាពកាន់តែខ្លាំង ហើយអ្នកក៏អាចប្រៀបធៀបពិន្ទុ CPU អ្នកជាមួយនឹងឧបករណ៍ iDevice ដទៃទៀតផងដែរ។

ក្រៅពីអាចដំឡើងលើឧបករណ៍ iDevice កម្មវិធីនេះក៏អាចដំឡើងលើឧបករណ៍ Android បានផងដែរ៕

ប្រភព៖ iDownloadBlog ប្រែសម្រួល៖ សុខហេង