ប្រលោមលោក Sabay ណាខ្លះត្រូវបានថតជាភាពយន្ត?

2017-04-07 09:24:40
ចំនួនមតិ 0 | ចំនួនចែករំលែក 0

ចន្លោះមិនឃើញ

៣រឿងហើយដែល Sabay បានសហការជាមួយផលិតកម្មភាពយន្តក្នុងស្រុកដើម្បីផលិតរឿងប្រលោមលោករបស់ខ្លួនទៅជាភាពយន្ត។

រឿងដំបូងដែលត្រូវបានផលិតជាវីដេអូភាគគឺ "ស្រទន់មន្តស្នេហ៍"។ រឿងនេះ Sabay បានសហការជាមួយក្រុមការងារ Studio4 ដើម្បីផលិតកាលពីខែតុលាឆ្នាំ ២០១៦។ ក្រុមការងារផលិតបានឲ្យដឹងថា លោកអ្នកនឹងបានឃើញប្រលោមលោកដែលមានអ្នកអានច្រើនជាងគេនេះជាវីដេអូនៅលើកញ្ចក់ទូរទស្សន៍ CTN ក្នុងពេលឆាប់ៗនេះ។

"មន្តស្នេហ៍លេខា" ជារឿងទី២ដែល Sabay បានផលិតចេញជាវីដេអូភាគ។ ប្រលោមលោកដែលមានអ្នកអានជាង១ម៉ឺនដងក្នុងមួយភាគនេះ បានសហការជាមួយផលិតកម្មមហាហង្សផលិតជាភាពយន្ត នឹងត្រៀមចាក់បញ្ចាំងលើទូរទស្សន៍ PNN ក្នុងឆ្នាំ ២០១៧ នេះដូចគ្នា។ រឿងនេះមានការចូលរួមសម្ដែងដោយតួល្បីៗដូចជា ភិន សុដាលីស យឹម សម្បត្តិ ហង្ស សម្បើមសក្តិ ម៉ៅ គីមធីតា សាឌី និងវត្តមានតារាល្បីៗជាច្រើនដួងថែមទៀតផង។

រឿងថ្មីមួយដែលគ្រោងនឹងចេញថតនៅពេលឆាប់ៗនេះគឺប្រលោមលោក "បេសកកម្មមួយ" ដ៏ល្បីល្បាញរបស់ ម៉ានិត។ លើកនេះ Sabay បានសហការជាមួយជាមួយ Studio4 ម្ដងទៀតដើមផលិតប្រលោមលោកនេះឲ្យក្លាយជារឿងភាគដ៏គួរឲ្យជក់ចិត្តមួយលើកញ្ជក់ទូរទស្សន៍។ ពេលនេះ ក្រុមការងារ Studio4 កំពុងរៀបចំជ្រើសរើសតួសម្ដែង ដើម្បីរឿងក៏ពេញនិយមមួយនេះ។

កុំភ្លេចរង់ចាំទស្សនាតាមដានគេហទំព័រ Sabay News ដើម្បីដឹងកាន់តែច្បាស់ពីដំណើរការផលិតរឿងទាំងនេះ។

អត្ថបទ៖ សុខណា