លេចចេញវីដេអូដំបូងបង្អស់ បង្ហាញទិដ្ឋភាពទីតាំងរងការវាយប្រហារគ្រាប់មីស៊ីលអាមេរិក
- 2017-04-08 00:55:00
- ចំនួនមតិ 0 | ចំនួនចែករំលែក 0
លេចចេញវីដេអូដំបូងបង្អស់ បង្ហាញទិដ្ឋភាពទីតាំងរងការវាយប្រហារគ្រាប់មីស៊ីលអាមេរិក
ចន្លោះមិនឃើញ
Channel ព័ត៌មាននៅលើគេហទំព័រ YouTube ឈ្មោះ Rossiya 24 របស់ប្រទេសរុស្ស៊ី បានបង្ហាញវីដេអូដំបូងបង្អស់ ពីមូលដ្ឋានកងទ័ពអាកាស Shayrat ដែលទទួលរងការវាយប្រហារដោយមីស៊ីលអាមេរិក ចំនួន៥៩គ្រាប់ កាលពីព្រឹកថ្ងៃសុក្រ ទី០៧ ម្សិលមិញ ក្នុងការឆ្លើយតបទៅនឹង ការវាយប្រហារដោយប្រើអាវុធគីមី របស់រដ្ឋាភិបាលស៊ីរី ទៅលើជនស៊ីវិល នៅក្នុងខេត្តអ៊ីដលីប (Idlib) កាលពីព្រឹក ថ្ងៃអង្គារ នាដើមសប្តាហ៍នេះ។
បើតាមខ្សែវីដេអូឃ្លិប បានបង្ហាញឲ្យឃើញ រោង និងផ្លូវយន្តហោះ រួមទាំងហេដ្ឋារចនាសម្ព័ន្ធដទៃទៀត រងការខូចខាតយ៉ាងដំណំ។
វីដេអូនោះត្រូវបានថតដោយ អ្នកឆ្លើយឆ្លងរបស់សារព័ត៌មាន Russia24 ដែលនៅកន្លែងកើតហេតុខាងលើផ្ទាល់តែម្តង។ ជាមួយគ្នានេះដែរ រូបថតប៉ុន្មានសន្លឹក បង្ហាញឲ្យឃើញពីទិដ្ឋភាពមូលដ្ឋានកងទ័ពអាកាសខាងលើ ក៏ត្រូវបានថត និងបង្ហោះទៅលើបណ្ដាញសង្គម ដោយអ្នកថតរូបម្នាក់ឈ្មោះ Aleksandr Pushin ផងដែរ៕
ចង់ដឹងយ៉ាងណា សូមទស្សនាវីដេអូ និងរូបថតទាំងអស់គ្នា៖