ស្វែងយល់អំពីចំនួនសសៃធូបដែលត្រូវអុជ

2017-04-11 00:45:15
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកគ្រប់គ្នា តែងតែមានបំណងប្រាថ្នា តែងតែមានការបន់ស្រន់ តែងតែមានការលាបំនន់ ឬក៏ការសែនព្រេននានា ក្នុងជីវិតរបស់លោកអ្នក ។ តើអ្នកធ្លាប់ដឹងទេថា ពេលអ្នកអុជធូបម្តងៗ ចំពោះការបន់ស្រន់នីមួយៗ របស់អ្នក តើអ្នកត្រូវអុជធូបប៉ុន្មានសសៃទើបត្រឹមត្រូវ តាមលក្ខខណ្ឌនីមួយៗ ?

ឆ្លើយតបនឹងសំណួរខាងលើនេះ កញ្ញា ស្រីអូន អាយុ ២៤ឆ្នាំ ជានិសិត្ស បាននិយាយថា ខ្ញុំដូចជាមិនដឹងច្បាស់ដែររឿងនឹង កន្លងមកពេលអុជធូបគឺខ្ញុំមើលតាម និងការប្រាប់ឲ្យអុជធូបប៉ុន្មានសសៃៗ នៅក្នុងពិធីសែនផ្សេងៗពីចាស់ៗ។ នៅពេលអុជធូបខ្ញុំមិនបានដឹងទេថា ការបន់ស្រន់នីមួយៗ និងពិធីសែនផ្សេងៗ ត្រូវអុជធូបប៉ុន្មានសសៃទើបត្រឹមត្រូវ ហើយក៏មិនបានដឹងដែរថា ការអុជធូបមួយសសៃ ពីរសសៃ និងបីសសៃ បានន័យថា យ៉ាងមិចដែរ។

យោងតាមសៀវភៅ ជំនឿ និង ហុងស៊ុយ បានបង្ហាញថា ការអុជធូប ១ សរសៃ តំណាងឲ្យការរំលឹកគុណគ្រូ និងតួខ្លួន ចំណែកការអុជធូប ២ សរសៃ តំណាងឲ្យគុណមាតាបិតា ចំពោះការអុជធូប ៣ សរសៃ គឺបូជាព្រះរតនត្រ័យដែលមានព្រះពុទ្ធ ព្រះធម៌ ព្រះសង្ឃ ឬមាតាបិតា និងគុណគ្រូ។

ចំពោះការអុជធូប ៤ សរសៃ តំណាងឲ្យធាតុទាំង៤ (ទឹក ដី ភ្លើង ខ្យល់) ហើយការអុជធូប ៥ សរសៃ គឺបូជាព្រះទាំង ៥អង្គ គឺព្រះកុក្កុសន្ធោ (មាន់) ព្រះកោនាគមនោ (នាគ) ព្រះកស្សបោ (អណ្ដើក) ព្រះសមណគោត្តម (គោ) និងព្រះសិអារ្យមេត្រី (ខ្លា) និងការអុជធូប ៧ សរសៃ គឺបូជាញាតិទាំងប្រាំពីរសន្តាន គឺ ឪពុកម្ដាយ ជីដូនជីតា យាយទួតតាទួត និង កូន ចៅ ចៅទួត។

សម្រាប់ការអុជធូប ៩ សរសៃ គឺបូជាទេវតា ដែលថែរក្សាទិសទាំងប្រាំបួន គឺ ទិសបូព៌ ទិសអាគ្នេយ៍ ទិសទក្សិណ ទិសនិរតី ទិសបស្ចិម ទិសពាយ័ព្យ ទិសឧត្ដរ ទិសឦសាន និងទិសខាងលើ ចំណែកការអុជធូប ១១ សរសៃ តំណាងឲ្យមេត្តាធម៌ទាំង ១១។

ការអុជធូប ១២ សរសៃ គឺបូជាគុណម្ដាយ ១២ ឬគុណធាតុ ចំពោះការអុជធូប ១៩ សរសៃ គឺសម្រាប់ពិធីហៅព្រលឹង (មនុស្សមានព្រលឹង ១៩ រួមទាំងព្រលឹងធំ និងព្រលឹងតូច) ហើយការអុជធូប ២១ សរសៃ គឺបូជាគុណឪពុក និងការអុជធូប ៣៣ សរសៃ គឺបូជាគុណឪពុកម្ដាយ៕

អត្ថបទ៖ ហេង នាង (CCJ)

ពាក្យទាក់ទង

CCJ

អត្ថបទពេញនិយម

ស្រោមអនាម័យ ប្រវែង ២០សង់ទីម៉ែត្រ សល់ពី ២០០ឆ្នាំមុន ត្រូវបានដាក់តាំងបង្ហាញនៅសារមន្ទីរ

ស៊ូ មេឡូឌី (Melody Sou) ស្រ្តីខ្មែរទី១ នាំយក កីឡាភីឡាធីស (Pilates) មកប្រទេសកម្ពុជា មានចក្ខុវិស័យធំ ក្នុងការនាំយកប្រទេសកម្ពុជាទៅឆាកអន្តរជាតិ

ថៃ ហៅអនុព័ន្ធយោធាបរទេស ៤២ប្រទេស មកស្តាប់អំពីស្ថានការណ៍តានតឹង នៅព្រំដែន កម្ពុជា-ថៃ

ព្រឹទ្ធសភាថៃ ជំរុញរដ្ឋាភិបាល បើកសម័យប្រជុំពិសេសមួយ រកដំណោះស្រាយ ចំពោះជម្លោះព្រំដែន

កាន់តែទាក់ទាញ ទេសចរណ៍នៅសៀមរាប ម៉តូធំអូសរម៉កបំពាក់បាសធំៗត្រៀមជូនភ្ញៀវដើរលេងកម្សាន្ត

កូនស្រី ពិធីការិនី គង់ សុជាតិ បង្កើតស្នាដៃកាន់តែអស្ចារ្យក្នុងវិស័យដើរម៉ូដ កាន់តែទាក់ភ្នែកមហាជន

អត្ថបទថ្មី

តស់ៗ! ឱកាសដ៏កម្រឈ្នះរង្វាន់ពី Carlsberg នាំអ្នកទៅទស្សនាផ្ទាល់ ការប្រកួតបាល់ទាត់លំដាប់ពិភពលោក ក្រុមហង្សក្រហម Liverpool FC ប៉ះ ពស់ថ្លាន់ Milan នៅហុងកុង ថ្ងៃទី ២៦ កក្កដា ២០២៥

ក្រុមហ៊ុន ២ រកចំណូលបានច្រើនបំផុតនៅកម្ពុជា គិតត្រឹមពាក់កណ្ដាលឆ្នាំ២០២៥ នេះ

ក្រុមហ៊ុន OCIC នឹងសម្ពោធដីឡូត៍មាត់ទន្លេនៅកោះពេជ្រនៅខែមិថុនា

Facebook៖ រាល់ការផុសវីដេអូទាំងអស់ នឹងចូលទៅក្នុង Reels

ក្រុមហ៊ុន Smart Axiata មានការផ្ដល់ជូនពិសេសដល់អតិថិជន ដើម្បីជាការថ្លែងអំណរគុណកំឡុងពេលដែលក្រុមហ៊ុនផ្លាស់ប្ដូរបណ្ដាញ IP

ទូរសព្ទ Trump T1 កំពុងដាក់ឲ្យ Pre-Order ក្នុងតម្លៃ 499$